за

Audi го разви првиот „супермаркет“ за автоиндустријата

Audi го разви првиот „супермаркет“ за автоиндустријата
Audi го разви првиот „супермаркет“ за автоиндустријата

Транспортни системи без возач се користат веќе подолго време во фабриките на Audi. Една од нивните задачи е да помагаат во т.н. супермаркети, односно површини од кои работниците преземаат делови што се наредени по точен редослед. Audi воведе промени во оваа организација.

Во „супермаркетот 2.0“ на Audi, деловите за вградување пристигаат до работниците, а не обратно. Тоа е заслуга на иновативен контролен софтвер што е развиен во соработка со стартап-компанијата Аrculus. Предноста во новиот систем е во тоа што работниците повеќе не мораат да минуваат долг пат.

Транспортните колички без возач по точен редослед пренесуваат кутии со потребните делови до местото за нивно преземање. Вработен во логистиката таму ги групира деловите што се потребни на монтажната лента. На овој начин, површината на магацините може да се смали до 25 проценти.

Овие „автопилотирани колички“ веќе се дел од сериското производство. Во фабриката во Инголштат моментно се применуваат осум колички, до крајот на годината нивниот број ќе се зголеми на 32 колички.

New photo by Automedia MK / Google Photos

Системот претходно почна да се применува во фабриката на Audi во кинескиот Фошан, во изработката на Audi A3, Audi Q2 L и Audi Q2 L e-tron за локалниот пазар. Врз основа на овие искуства, системот беше применет и во матичната фабрика во баварскиот Инголштат.

Идејата всушност потекнува уште до 2015 година, кога Audi во помал обем го примени принципот на достава на компоненти до работникот. Во тогашниот „супермаркет на иднината“, системот се користеше за групирање на прирачниците за ракување што се испорачуваат со возилата. Актуелните колички можат да пренесуваат до еден тон и се движат со 1,5 метар во секунда. Audi е прв во концернот што го применува новиот систем. Се планира тој да се воведе и во останатите фабрики на концернот.

New photo by Automedia MK / Google Photos

>>> Audi e-tron добива помал брат: Q4 ќе биде и Sportback

Какво е Вашето мислење

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Коментари

Напишете коментар

Вашата адреса за е-пошта нема да биде објавена. Задолжителните полиња се означени со *

Вчитувам

0
Mercedes со две титули на најиновативна премиум марка

Mercedes со две титули на најиновативна премиум марка

Продажбата на возила за кампување со 65% пораст во Германија

Продажбата на возила за кампување со 65% пораст во Германија