Нови модели

Audi S8 ги предизвикува суперспортските купеа со своите 605 КС

Кој не може да се насити со 520-те коњски сили на нормален Audi S8, од крајот на ноември ќе може да ја вози верзијата со над 600 КС. Но, за доплатата за S8 plus може да се купи добар A4.

Audi уште еднаш го поместува врвот на скалата на моќта во гамата на својот знаменосец и на крајот на ноември ќе стартува со продажба на новата верзија S8 plus. Додавката „плус“ се однесува на дополнителните 85 КС што новата верзија ги добива во споредба со стандардниот S8. Со нови турбополначи и коригирана електроника во моторот, четирилитарскиот V8 во S8 plus ќе ослободува 605 КС и вртежен момент од 700 њутнметри, а краткотрајно и 750 њутнметри. Тоа е врв во конкуренцијата. Секако дека сето тоа има и своја цена. Во споредба со S8 и неговите 520 КС, новата верзија S8 plus чини 30.000 евра повеќе, односно 145.200 евра.

audi s8 plusСо мала доплата паѓаат лимитите: Крајни 305 km/h

Дополнителните коњски сили се одледуваат во перформансите. Забрзувањето до сто трае 3,8 секунди, а со доплата за пакет за динамика паѓа лимитот на 250 km/h и S8 plus продолжува до 305 km/h. Потрошувачката според фабрика расте за 0,6 литри, на просечно 10,0 литри, а емисијата на СО2 изнесува 231 грам на километар.

Сопирачките се модифицирани соодветно на поголемата моќност, а и стандардната пневматска амортизација е потстегната. Дизајнот на луксузната лимузина со перформанси на суперспортски автомобил речиси не се разликува од стандардните модели. Има само незабележлив спојлер на задниот капак и можност за доплата за украсни делови на каросеријата во црна боја или во карбонски финиш.

Audi A8 plus е брз автомобил, но мора да се реагира брзо и при нарачката. Кон крајот на следната година стартува следната генерација на Audi A8, а таа во почетокот ќе ги има само „обичните“ мотори.

audi s8 plus

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729