Топ-моделот во гамата на A3 го доби најсилниот петцилиднарец во историјата на моделите RS, со 367 КС и моќ на забрзување до сто за 4,3 секунди. Секако, со тоа оди титулата на најсилен компакт.
Познавачите имаат причина зошто толку ги ценат петцилиндарските мотори на Audi: Зарипнат глас, брзо качување на вртежите и разорна моќ. Со новиот RS 3 Sportback со 367 КС и 465 њутнметри, Баварците го претставија најсилниот автомобил во премиум сегментот на компакт класата. Со моќниот петцилиндарец со турбонатполнење, цивилната комбилимузина со пет врати забрзува до сто за 4,2 секунди и по желба може да постигне крајна брзина од 280 km/h.
Петцилиндарците имаат долга традиција во Audi. Во 1980-те години тие го градеа спорсткиот имиџ на марката на трките и на патиштата. Моторот во RS 3 Sportback е најсилен сериски мотор од модуларната платформа на концернот VW
Седумстепениот менувач со двојна спојка S tronic работи уште побрзо отколку во претходникот и ја распределува моќта на 2,5-литарскиот турбобензинец со директно впрскување до постојаниот погон на сите тркала quattro. Погонот го распределува моментот одделно за секое тркало, со помош на интелигентен софтвер и со задача да понуди максимално уживање во возењето. Системот го дозволува и тоа: На мазна подлога, возачот може лесно да провоцира контролиран дрифт на RS 3.
Амортизери со променлива тврдина по желба на сопственикот
Во споредба со стандардниот модел, подвозјето на A3 Sportback е пониско за 25 милиметри. Лежиштата на предната оска, прогресивното управување, спортското подвозје што е специјално развиено за моделите RS и опционалниот Audi magnetic ride, којшто има повеќе степени на тврдост на амортизерите, изведени се посебно за RS 3. Со доплата може да се добијат и сопирачки дискови од карбон-керамика на предната оска, зад бандажите со пречник од 19 инчи.
Спортскиот настап на Audi RS 3 Sportback се комплетира со лути детали во каросеријата и во внатрешноста, како и со исклучително богата опременост. Новиот топмодел во семејството на Audi A3 ќе стартува со продажба на германскиот пазар во следното лето.