134
18 shares, 134 points

Неопходните масивни инвестиции во подрачјето на електричниот погон, автопилотираното возење и новите дигитални услуги бараат откажување во другите подрачја. Audi ТТ и R8 нема да добијат наследници, но ќе има луксузна изведба на A8 и околу триесетина хибриди и електрични автомобили до 2025 година.

Audi нема да развива наследници за спортските купеа TT и R8. Инголштат мора да штеди за до крајот на 2023 година да инвестира околу 14 милијарди евра во електрични автомобили, во дигитални услуги и во автопилотирано возење. Шефот Брам Шот и официјално најави дека мора да се „прочешла“ моделската понуда на марката. Една третина од комбинациите на мотори и менувачи веќе е отстранета. Како надомест за откажувањето од TT и R8, шефот најави луксузна изведба од знаменосецот Audi A8, по пример на Mercedes-Maybach.

До 2025 година, Audi на пазарот ќе понуди 10 хибридни и дваесет целосно електрични модели. Понудата од хибриди моментно опфаќа три модели, а e-tron е единствен модел со погон на струја. Конкурентските марки имаат побогата понуда во тој поглед.

Наскоро пристигаат новите изведби со плагин-хибриден погон во моделските серии A6, A7 и A8. На e-tron ќе му се придружи купе изведба e-tron GT. Audi пред неколку години разви прототип од R8 со електричен погон, но тој не доживеа сериско производство, исто како и електро изведбата на Mercedes SLS.

Освежување за Audi A4: Нов изглед, дисплеи, благи хибриди

Audi добива зелено светло на семафорите во Инголштат

Кој знае да ги чита новите моделски ознаки на Audi?

Audi S5 со трилитарски дизел и малку на струја


Ти се допаѓа? Сподели со пријателите!

134
18 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *