163
21 shares, 163 points

Кросоверот изработен врз платформата на Audi A3 ќе биде претставен во март на салонот во Женева, како поедноставна и помладешка верзија на Q3 – и со пониска цена. Моментно се тестира техниката во услови на екстремен студ.

На салонот во Женева во март се очекува Audi да го претстави првиот „Q“ со парен број, компактниот спортски теренец Q2. Според димензиите на каросеријата, тој ќе биде блиску до Q3, но ќе има помладешки стил и поедноставна опрема, а со тоа и пониска цена. Ентузијастите на марката го очекуваат Q2 со нетрпение, како прв модел што ќе го носи дизајнерскиот потпис на новиот шеф Марк Лихте. Дизајнерот го привлече вниманието на автомобилската јавност со серијата дизајнерски студии Prologue, како најава за стилската трансформација на марката од Инголштат.

Новиот Q2 ќе користи стилски детали од студијата Prologue, со која Audi го најави новиот дизајнерски правец
Audi Q2 ќе користи стилски детали од студијата Prologue, со којашто Audi го најави новиот дизајнерски правец

Audi Q2 во секој случај ќе биде еден од најзначајните новитети во 2016 година и во принцип не е класичен Q-модел туку е комбинација од Sportback, Avant и кросовер. Задача на Лихте е да воспостави поголема разлика во дизајнот на одделните моделски серии на Audi, но и во нивоата на опрема во иста моделска серија. Моделските изведби на Q2 ќе се разликуваат во изведбата и стилот на предната маска, отворите за воздух, арките на крилата, праговите, бандажите и во задните столбови. На тој начин, со мала интервенција во стилот ќе се постигне поголема индивидуалност меѓу различните изведби на Q2. Тоа ќе се постигнува со хром, карбон или сјаен црн лак.

Новиот дизајн се однесува и на кокпитот на идните модели на Audi

Промени следуваат и во дизајнот на ентериерот. Кокпитот ќе биде завртен кон возачот, а средишната конзола ќе биде потесна. Спортски детал ќе бидат отворите за воздух во стилот на Audi TT. Дигиталната табла што може да се програмира, исто така нема да отсуствува во најмалиот Q. Новитети се очекуваат и во централното ракување MMI.
Кросоверот од 4,30 метри ќе ја користи модуларната платформа MQB. Понудата од погонски единици ќе стартува со турбо-трицилиндарецот со зафатнина од еден литар, додека во топ-моделот SQ2 ќе работи дволитарец со моќност од околу 300 КС.

Широка и моќна основа и елегантна и компактна кабина се основните начела на дизајнот на Марк Лихте
Широка и моќна основа и елегантна и компактна кабина се основните начела на дизајнот на Марк Лихте

Екстремната спортска изведба RS веројатно ќе го добие 2,5-литарскиот петцилиндарец. Неизвесност постои околу изведбата со плагин-хибриден погон, но затоа е сосема сигурно дека во 2017 година ќе се појави дополнителна каросериска верзија на купе-теренец.

Цената на основниот модел би изнесувала околу 25.000 евра, односно меѓу A3 Sportback и Q3. Планот е годишната продукција да достигне најмалку 70.000 примероци.


Ти се допаѓа? Сподели со пријателите!

163
21 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743