146
23 shares, 146 points

Audi e-tron ќе биде првиот сериски автомобил што има камери и дисплеи место класични ретровизори. Но, погрешно е да се верува дека разликата е „само“ во дигиталните ретровизори

На времето беше вистинско уживање да се слуша звукот на V8 или шуштењето на турбокомпресорот. Но, времињата го сменија и тоа. Денес и во иднина, уживањето зад воланот е во апсолутната тишина. И во звукот од совршено дотерано озвучување, најдобро од данските мајстори на добриот звук во Bang & Olufsen. Така Audi го најавува чувството во q-tron, СУВ-моделот со погон на струја, кој пристига кон крајот на годинава.

Благодарение на електричниот погон, кабината ќе понуди зачудувачка просторност. Дизајнерите како да сакаат дополнително да го нагласат тоа, затоа што внатрешноста изгледа едноставно, растоварена од стилски екскурзии, речиси во скандинавски стил. СУВ моделот од високата класа доаѓа со дигитален концепт на ракување. Audi e-tron меѓу другото е прв сериски автомобил без надворешни ретровизори.

Audi e-tron vnatresnost 1

За премиерата на внатрешноста на Audi e-tron беше одржан посебен настан во Копенхаген, во прочуениот Royal Danish Playhouse. Салата за 650 лица со својата совршената акустика послужи како бина за демонстрирање на верниот звук на скапоценото озвучување од Band & Olufsen, со 16 звучници и засилувач од 705 вати.

Овој систем што го заживува некогашното значење на „хај-фај“ ќе се добива со доплата, исто како виртуелните ретровизори. Audi го опишува тоа како следен чекор во дигитализацијата на кокпитот. Сликата од камерите се прикажува на посебни дисплеи, коишто се вградени во вратите, веднаш покрај арматурната табла. Диспеите се OLED, со пречник од 7 инчи. Возачот може да го дотерува приказот во дисплеите, исто како со класичните ретровизори. Плус опција: Можност за зумирање и одзумирање. И уште една опција плус: Избор на три модуси за прикажување, за автопат, за свртување и за паркирање.

Audi e-tron vnatresnost 8

Уште еден впечатлив детал е средишниот тунел, којшто нема странични ѕидови. Бирачот на режимот на возење изгледа како да лебди, заедно со потпирачот за рака. Покрај тоа, целиот кокпит е свртен кон возачот. BMW испраќа поздрави.

Оние со префинет вкус ќе се одушеват од изработката. Седиштата се штепувани со мотив што потсеќа не струјно коло. Кој ќе се чувствува пријатно од тоа, може да избере и штепови во портокалова боја – со симболика на висок напон.

Audi e-tron vnatresnost 9

Со меѓуоскино растојание од 2.928 милиметри, Audi e-tron ќе нуди изобилство простор за пет патници и багаж. Audi ветува дека должината на кабината, висината напред и назад, како и просторот за колена назад се на ниво на Q7. За просторното чувство помага и отсуството на масивен тунел по должината на подот.

Бидејќи се работи за електрично возило, односно нема мотор што ќе ги придуши вообичаените звуци, акустичарите на Audi веројатно постигнале врвно дело. Звукот од струењето на ветрот при брзина од 85 km/h, којшто е апсолутно потиснат од звукот на моторот кај обичните возила, во Audi e-tron целосно е изолиран од кабината.

Внатрешноста на Audi E-tron

Flickr Album Gallery Powered By: Weblizar

Ти се допаѓа? Сподели со пријателите!

146
23 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743