168
61 shares, 168 points

Таму кадешто се решава за најдобрите скијачи во светот, Audi не смее да отсуствува. Електричен Audi e-tron го совлада најстрмниот дел од патеката за спуст во Кицбил. Фановите веднаш ќе се присетат на легендарното искачување на Audi 100 quattro по скијачка скокалница пред повеќе од три децении

Спектакл-мајсторите на Audi веќе неколкупати го насочија вниманието на целата автомобилска сцена кон електричниот кросовер e-tron. Прво беше искачувањето по Пајкс Пик, потоа следеше возење во најекстремни услови во Намибија. Но, последниов потфат ги надминува сите. Audi e-tron се искачи по таканаречената „глувчешка стапица“, како што скијачите го нарекуваат најстрмниот дел од патеката за спуст на Кицбил. Искачување по нагорнина од 85 проценти.

Audi докажа дека и „електричен quattro“ е добар quattro

За совладување на овој екстремен пасаж, техничарите изведоа посебна варијанта на погонот quattro, со два електромотори на задната оска и еден електромотор напред. Со тоа беше обезбедена краткотрајна врвна моќност од 503 КС. Преправки беа извршени и во контролниот софтвер, заради оптимална распределба на вртежниот момент конкретно за искачувањето по скијачката патека. На крај, беа монтирани и гуми со спајкови, изработени посебно за потфатот.

New photo by Automedia MK / Google Photos

Зад воланот седеше Матијас Екстром, светски шампион во реликрос и двократен шампион во ДТМ: „Да се совлада нагорнина од 85 проценти – тоа звучи невозможно. Начинот на којшто овој автомобил го совлада тешкиот терен, дури и мене ме одушеви.“

Заради безбедност, во кабината беа вградени заштитен кафез и тркачко седиште со ремен на шест точки, а за возилото беше закачена сајла, за да се спречи евентуално тркалање на големиот автомобил по стромната надолнина.

Повторување на историјата, со уште поголем спектакл: Audi e-tron по нагорнина од 85 проценти во Кицбил

Audi e-tron се искачува на Кицбил: Повторување на легендарниот потфат, сега под висок напон

Во стилот на легендарното искачување на Audi 100 quattro на скијачката скокалница Питкавури, следи повторување на историјата со електричен Audi e-tron, по „глувчешката стапица“, најстрмниот дел на Кицбил

Posted by Automedia.mk on Tuesday, February 19, 2019

Оригиналниот рекламен спот од 1986 година кога Audi 100 quattro се искачува по ски-скокалница во Финска и повторувањето на потфатот со Audi A6 quattro:

Електричниот Audi e-tron во Германија стартува од 79.900 евра

Кои фирми испорачуваат делови за електричниот Audi e-tron

Audi e-tron не е „само“ електричен СУВ

Audi e-tron: Електричен СУВ во напаѓачки модус

Стартува производството на електричниот Audi e-tron

 


Ти се допаѓа? Сподели со пријателите!

168
61 shares, 168 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *