165
21 shares, 165 points

Електричниот СУВ на Audi доби нова изведба, со смалена моќнсот на погонската спрега и помала батерија. Соодветно се смалува и цената, но целта е првенствено Audi e-tron да влезе во субвенционираната ценовна категорија на германскиот пазар.

Audi e-tron 50 Quattro е ознаката на новата моделска изведба на хит-електричниот СУВ на баварците. Двата електромотори во основната изведба на e-tron постигнуваат заедно 313 КС и вртежен момент од 540 њутнметри. Батеријата од 71 kWh испорачува енергија за повеќе од 300 километри пат, според WLTP. Најважното со понудата на овој модел е тоа што со цената под 70.000 евра, „e-tron 50“ ги исполнува условите за субвенционирање во Германија. Изведбата e-tron 55 quattro на германскиот пазар чини 81.000 евра.

Audi e-Tron 50 quattro ќе стартува со нарачки во последниот квартал. Спринтот до сто трае седум секунди, крајната брзина е ограничена на 190 km/h. Техниката подржува користење полначи со моќност до 120 киловати. Во тој случај, електричниот СУВ целосно ќе ја обнови енергијата за половина час. При користење полнач со наизменична струја со моќност од 11 kW, батеријата се полни за околу седум часови.

Возачите на електричните возила на Audi имаат обезбедено пристап до повеќе од 100.000 јавно достапни полначи за струја ширум Европа, преку „Audi e-tron Charging Service“.


Ти се допаѓа? Сподели со пријателите!

165
21 shares, 165 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *