Фондацијата на Audi за заштита на животната средина учествуваше во изработката на таканаречен сап-борд, односно „Stand-up-Paddling-Board“, со користење пластичен отпад. Тоа беше дел од акцијата во германскиот град Хајлброн, во насока на зачувување на природната средина на реката Некар.
Ученици имаа чест да го демонстрираат користењето на бордот од собраниот пластичен отпад по течението на реката. Акцијата ја подржа Министерството за животна средина на германската покраина Баден-Виртемберг.
Гимназијалците од Ели-Хојс-Кнап во градот Хајлброн собираа пластичен отпад од реката Некар. Специјализираниот производител за сноу и лонг-борд Pogo, од градот Ловенштајн, го искористи материјалот за изработка на сап-бордот.
Audi го финансираше проектот, исто како и голем дел од целата организација. Сап-бордот ќе се користи редовно во следното лето, во промотивни цели за заштита на животната средина.