Трите премиум марки се борат секаде каде што може и треба. До поголема продажба се доаѓа и преку поголем број на модели во понудата. Но, која марка во моментов предводи во разновидноста од модели?
Традиционалната битка меѓу трите премиум марки на Германците во последните години повеќе не се води само околу тоа кој ќе продаде најмногу возила, туку се чини дека Audi, BMW и Mercedes се натпреваруваат и во тоа кој ќе има најмногу модели во понудата – што повторно е поврзано со бројот на продадени возила. На секој чекор на конкурентот веднаш се одговара, но и се гледа секоја шанса да се искористи за чекор понапред од конкуренцијата.
Купе-теренецот Mercedes GLE Coupe, на пример, претставува одговор на BMW X6, додека од друга страна, ванот BMW Active Tourer од серијата 2 е одговор на класата B на Mercedes. Истото важи и за двојката Mercedes CLS и Gran Coupe од серијата 6 на BMW. Audi пак, осамен е со суперспорскиот R8, за кого уште недостига пандан од Штутгарт или Минхен, откако Mercedes реши SLS да го „пресели“ во класа подолу.
Која од трите германски премиум-марки има најмногу модели во понудата? На неодамнешниот салон во Женева, Audi го претстави новиот Q2 и со тоа ги предизвикува конкурентите Audi и Mercedes во сегмент што тие уште не го покриваат со соодветен модел. Секако дека BMW за тоа го има Mini Countryman, но тука ќе ги земеме во предвид само моделите од матичните марки, без Smart, Volkswagen, Seat, Skoda или Mini.
Трите марки заедно покриваат дури 38 различни класи, типови и сегменти со своите модели. Водечки по разновидноста на понудата е Mercedes, со 28 различни моделски изведби, по него следи BMW со 23 изведби и на крајот е Audi, со „само“ 17 различни модели. Засега никоја марка не го покрива целосно овој потенцијален дијапазон од 38 моделски изведби.
Но, овој сооднос наскоро ќе се менува драстично. BMW го подготвува знаменосецот во теренската понуда X7, којшто ќе му се спротивстави на Mercedes GLS, но и Audi не мирува и исто така работи на теренски модел од високата класа кој ќе биде позициониран над Q7. Баварците работат и на купе-лимузина од серијата 2, како одговор на Mercedes CLA и лимузинската изведба на Audi A3.
Засега, соодносот на силите на трите премиум марки е следниов:
Audi | BMW | Mercedes-Benz | |
Градски возила | A1 | – | – |
Мултифункциско возило | – | – | Citan Tourer |
Компакт комбилимузина | A3 | Серија 1 | Класа A |
Компактна лимузина | A3 Limousine | – | CLA |
Компактен кабриолет / купе | – / A3 Cabriolet | Серија 2 Coupe / Cabriolet | – / – |
Компактен ван | – | Серија 2 Active Tourer | Класа B |
Средна класа, лимузина | A4 | Серија 3 | Класа C |
Средна класа, комбилимузина | – | Серија 3 GT | – |
Средна класа, купе / кабриолет | A5 Coupé / Cabriolet | Серија 4 Coupe / Cabriolet | Класа C Coupe / Cabriolet |
Средна класа, купе-лимузина | A5 Sportback | Серија 4 Gran Coupe | – |
Виша класа, лимузина / купе / кабриолет | A6 / – / – | Серија 5 / – / – | Класа E / Coupe / Cabriolet |
Виша класа, комбилимузина | – | Серија 5 GT | – |
Виша класа, купе / кабриолет | – / – | Серија 6 Coupe / Cabriolet | – / SL |
Виша класа, купе-лимузина, комби-купе | A7 / – | Серија 6 Gran Coupé / – | Класа CLS / Shooting Brake |
Висока класа / Луксузна класа | A8 / – | Серија 7 / – | Класа S / Maybach |
Висока класа купе / кабриолет | – / – | – / – | Класа S Coupe / Cabriolet |
Ван, виша класа | – | – | Класа V |
Компактен кросовер | Q2 | – | – |
Компактен теренец | Q3 | X1 | Класа GLA |
Теренец, средна класа | Q5 | X3 | Класа GLC |
Купе-теренец, средна класа | – | X4 | Класа GLC Coupe |
Теренец, виша класа | Q7 | X5 | Класа GLE |
Купе-теренец, виша класа | – | X6 | Класа GLE Coupe |
Теренец, висока класа | – | – | Класа GLS |
Теренец, класичен | – | – | Класа G |
Компактен родстер | TT | Z4
|
Класа SLC |
Градски електричен автомобил | – | i3 | Класа B Electric Drive |
Спортски електричен автомобил | – | i8 | – |
Спортско купе | – | – | AMG GT |
Суперспортско купе | R8 | – | – |