163
21 shares, 163 points

Audi веќе десетта година е дел од саемот за потрошувачка електроника ЦЕС во Лас Вегас, кој беше и една од причините за поместување на датумот за одржување на авто салонот во Детроит. Audi прикажува концепт на возило со автопилот, со многубројни дополнителни функции кои треба времето минато во AI:ME да го направат исто толку пријатно како во домот.

Audi има убави намери со концептниот автомобил AI:ME на саемот за потрошувачка електроника во Лас Вегас. Возилото со автопилот е замислено како еден вид трето живеалиште, покрај домот и рботното место. Вклучувањето на функциите се врши преку поглед, а на патниците во возилото им стојат на располагање и досега невообичаени функции, како на пример нарачување на омиленото јадење.

Кога ќе се посака мислите на момент да го напуштат урбаниот метеж, доволно да се посегне по очилата за виртуелна реалност што се дел од опремата и одеднаш човек да се најде во некој планински предел или на плажа, по желба. Посебна технологија се грижи приказот во очилата да се менува како што се одвива возењето. Таа технологија пред неколку месеци ја тестираше и Porsche

New photo by Automedia MK / Google Photos

Кога ќе се пристигне на целта, нарачаното јадење веќе е подготвено за испорака, за што AI:ME се погрижил „лично“. Концептниот автомобил им стои на распоагање за пробно возење на новинарите за време на саемот ЦЕС 2020 во Лас Вегас.

Автомобилот на иднината од Audi ќе знае и како најдобро да го намести седиштето според желбите на патникот, ќе ја избере омилената музика и точно ќе ја намести температурата, па дури ќе погоди и каква миризба да се шири во кабината. Зависно од претходните возења, автомобилот ќе може и сам да го избере одредиштето, зависно од времето во денот и слично.

Навигацијата точно покажува кон избраното одредиште во проекцискиот дисплеј

Во проекциските дисплеи денес обично се прикажува стрелка со којашто навигацијата го упатува возачот како да пристигне до одредиштето. Во иднина тоа ќе биде уште попрецизно и повеќе верно. Стрелката во иднина ќе покажува точно на улицата по којашто треба да се продолжи, па и на самото одредиште, на пример продавница или влез во објект.

New photo by Automedia MK / Google Photos

Тоа е технологија што е развиена во соработка со Samsung и којашто работи исто како 3D-телевизор: Една точка од сликата за левото и една точка за десното око. Возачот ги гледа сликите на овој проекциски дисплеј со таканаречена 3D mixed reality како слика што лебди на оддалеченост меѓу 8 и 10 метри. Зависно од условите, ова растојание се зголемува и сликата изгледа како да е оддалечена и до 70 метри. Место возачот да го фокусира целиот објект, самиот дисплеј соодветно го приближува или оддалечува приказот.

New photo by Automedia MK / Google Photos

Уште еден новитет е Display on Demand-transparent: Станува збор за дисплеј висок 15 и широк 122 сантиметри, кој делумно е потонат во таблата со инструменти. Тој е дводелен. Едниот дел е проѕирен OLED-дисплеј, вториот дел е Black Layer за посебно црна боја. Целта е деловите од дисплејот на коишто во моментот не се прикажува информација да останат проѕирни, за возачот да го гледа патот пред себе.

Audi на посетителите на ЦЕС им прикажува и можност преку светлина да се намали замореноста на возачот, на пример со сина светлина. Овој проект се нарекува „Human Centric Lighting“ и сосем е извесно дека во видно време ќе се најде и во сериските модели на марката.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

 


Ти се допаѓа? Сподели со пријателите!

163
21 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *