118
17 shares, 118 points

Audi A6 allroad quattro е работа за познавачи и љубители на возењето. Со пневматска амортизација, погон на сите тркала и зголемено растојание од подлогата, тој е најдобрата лимузина за терен и воедно најдобриот теренец за автопат. По дваесет години од првиот allroad, пристига нова генерација на моделот.

Повеќето СУВ-модели немаат толку генерации колку што има A6 allroad quattro досега. За 20-от јубилеј пристига четвртата генерација. Audi во 1999 година го претстави првиот A6 allroad quattro како посебна изведба врз основа на A6 Avant, малку повеќе софистициран и повеќе отмен од комбито, коешто во оваа марка никогаш и немало улога на товарно возило.

New photo by Automedia MK / Google Photos

Суштината е во тоа што возилото со „лимузински“ изглед не се издвојува премногу во уличната слика, а сепак располага со врвни способности за возење по терен. Allroad често се избира и како влечна машина, за сопственици на јахти или тешки приколки. Погонот на сите тркала е стандард, заедно со активна пневматска амортизација и зголемено растојание од подлогата. Стилските преправки на каросеријата се држат во умерени рамки.

Каросеријата може да се „качи“ до 45 милиметри повисоко во споредба со стандардниот A6 Avant; Во нормални услови, растојанието од подлогата е 139 милиметри; Дозволената тежина на влечење е 2,5 тони

Висината на каросеријата се приспособува автоматски според брзината и избраниот режим на погонската спрега. При избор на највисоката положба, каросериајта се подигнува за 45 милиметри и во тој случај може да се вози најбрзо 35 km/h. Кога ќе се надмине оваа брзина, каросеријата се спушта автоматски. Пневматиката е корисна и при брзи тури по автопат, затоа што ја спушта каросеријата за 15 mm над 120 km/h.

New photo by Automedia MK / Google Photos

На европскиот пазар се нудат три изведби со трилитарски V6 TDI. Во првата изведба со ознака 45 TDI следат 231 КС и 500 Nm, што произведува спринт до темпо сто за 6,7 секунди. Следи A6 allroad quattro 50 TDI со 286 КС и 620 Nm, а по него и 55 TDI со 349 КС и 700 њутнметри. Спринтот во последниов случај трае 5,2 секунди. Според новите норми, потрошувачката на гориво се движи меѓу 6,4 и 6,6 литри кај најсилната изведба.

За поголема агилност на асфалт може да се доплати за спортски диференцијал за задната оска

За преносот на сила секогаш е задолжен осумстепен tiptronic. Постојаниот погон на сите тркала може да се надополни со спортски диференцијал, кој безстепено ги распределува њутнметрите меѓу задните тркала, заради уште повисока возна динамика.

New photo by Automedia MK / Google Photos

Посебното во погонот на Allroad е тоа што сите мотори се изведени како благ хибрид, во комбинација со 48-волтна мрежа. Заштедата според Audi изнесува 0,4 литри на сто километри. Стартер генераторот испорачува до 8 kW екстра моќност при поаѓање, забрзување или одржување на брзината, но само краткотрајно, затоа што батеријата има мал капацитет (10 Ah).

New photo by Automedia MK / Google Photos

Спортските возачи ќе се радуваат и на стандардното прогресивно управување. Како опција се нуди и управувана задна оска. Новиот Audi A6 allroad quattro е долг 4,95 метри, широк 1,9 метар и висок 1,5 метар. Меѓускиното растојание изнесува 2,93 метри. Багажникот располага со зафатнина од 565 литри, односно до 1.680 литри. Електричното отворање на задниот капак исто така е стандард. Продажбата започнува во јуни, ценовникот во Германија започнува од 61.500 евра.

Audi e-tron во мај со 856 испораки во САД

Audi TT во специјална серија достапен само преку интернет

Освежување за Audi A4: Нов изглед, дисплеи, благи хибриди

Audi добива зелено светло на семафорите во Инголштат

Кој знае да ги чита новите моделски ознаки на Audi?


Ти се допаѓа? Сподели со пријателите!

118
17 shares, 118 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *