за

Audi е првата автомобилска марка со 3D-конфигуратор

audi 3d konfigurator

Audi е првиот производител на автомобили што користи 3D-приказ за својот конфигуратор. Место статички слики, отсега се гледа анимиран автомобил со перспектива од 360 степени, во реално време. Конфигураторот е достапен на 25 пазари низ светот.

Вклучување на светлата или отворање на вратите и багажникот се само неколку од новите можности што ги нуди 3D-конфигураторот на Audi. Покрај тоа, возилото може да се постави во различни средини, на пример, во зеленилото на Исланд, и може виртуелно да се следи како изгледа отворањето и затворањето на покривот на некој од кабриолетите на Audi.

За првпат може да се погледнат и детали, како што е завршната изработка на украсните површини, или изгледот на вклучените светла кај моделите на Audi

За пристап до конфигураторот нема потреба да се вчитуваат посебни апликации или плагини. Тој е достапен на секој кориснични уред и во реално време. 3D-апликацијата ги користи техниките коишто се вообичаени во видеоигрите.

Audi Visualization Engine функционира на големите европски пазари, како Германија, Велика Британија, Франција и Шпанија, како и во САД и Јапонија. Во иднина се планира преоѓање на 4К-квалитет на приказ, додавање нови природни средини и можност за индивидуално користење на конфигураторот кај дилерите на Audi.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mercedes A-Class limuzina

Лимузински Mercedes A-Class пристига на крајот на годинава

Дитер Цече, Daimler

Дитер Цече од Daimler со највисок углед од германските топ-шефови