Дарко Јаконов
Популарниот тркачки викенд на Aston Martin се враќа на Леман на 16-ти јуни, со 38 пријавени возачи, меѓу кои и поранешниот пилот во формула 1 и победник на Леман, Мартин Брандл.
Трката во времетраење од 45 минути се одржува во истиот ден со 24 часа Леман, со почеток во 10.15 часот. Првпат на „фестивалот“ ќе учествуваат и два примерока од Aston Martin Vulcan, од суперексклузивниот модел чиешто име е точно погодено за способностите на 7-литарскиот V12 под хаубата.
Поранешниот пилот во Ф1, Мартин Брандл, на трката ќе вози Vantage GT4, подготвен во неодамна отворениот AMR Performance Centre на Нирбургринг: „Не би пропуштил шанса да се тркам на преполна патека на Леман. Ја обожувам патеката.“
И шефот Енди Палмер ќе учествува на спектаклот на Aston Martin на Леман
Реткост е шефови на големите автомобилски марки да учествуваат на трка, но Енди Палмер повторно ќе го направи тоа за Aston Martin. Меѓу познатите личности се и директорот на Prodrive Дејвид Ричардс, ТВ-водителот и врвен готвач Пол Холивуд, како и Џејми Чедвик, кој во мај стана најмладиот возач на 24 часа Нирбургринг.
Од машинеријата на Aston Martin учествуваат V12 Vantage GT3, најуспешен тркачки автомобил на марката, неколку постари примероци од Vantage GT1 и GT2, па дури и победничкиот V8 Vantage GTE од 2016 година.
Како Енди Палмер го спаси Aston Martin со идеите од Nissan
Кога ќе пораснам сакам да бидам Aston Martin
Aston Martin може да биде и гарнитура за седење
Вака изгледа собир на 311 автомобили Aston Martin на едно место
