149
22 shares, 149 points

Колекционерите ќе бидат пресреќни за овој Aston Martin DB5. Филмскиот автомобил на Џејмс Бонд ќе се изработи во 28 примероци, со сите изуми од работилницата на Кју и од истата фабрика од којашто излегуваше оригиналот пред половина век

По две недели прикажување во кината, „Голдфингер“ во 1964 година им донесе на продуцентите 2,9 милиони долари. По три недели, приходот од карти беше поголем од трошоците за снимањето на филмот. Оваа филмска епизода за најславниот таен агент на сите времиња се запиша во Гинис. Не постоеше друг филм што за толку кусо време донел повеќе пари од „златопрстиот“.

Оттогаш се изминати 54 години. Главните улоги ги имаа Шон Конери, Пуси Галор, а за првпат и сребрен Aston Martin DB5. Оригиналот во 2010 година постигна 3,5 милиони евра на наддавање во Сотби. Еден од 25-те примероци, што Aston Martin ќе ги изработи за колекционерите, нема да чини помалку од 3,1 милиони евра.

aston martin db5 nova serija 1

Во Aston Martin и самите забележуваат дека тоа се многу пари, за автомобил што нема да смее да се вози по улица. Затоа, пак, DB5 ќе располага со сета дополнителна опрема, којашто на Џејмс Бонд му беше мошне корисна за извлекување од опасните ситуации на филмското платно. Фината британска марка засега не открива кои точно ставки од опремата ќе ги вградува.

Механизмот со трите регистерски таблици што се менуваат по потреба, раната верзија на систем за навигација и заштитата рамка за задното стакло којашто е отпорна на куршуми се релативно безопасни во споредба со останатото што го поседуваше филмскиот Aston Martin DB5. Од вториве, филмофилите ќе се присетат на катапултирачкото совозачко седиште, на митралезите сокриени зад крилата, на димните бомби и на прскалките за масло.

Под малечкиот капак на рачката на менувачот се наоѓаше црвено копче, за откачување на покривот и активирање на катапултирачкото седиште. Ова копче веројатно ќе остане во „новите“ примероци. Ножевите во тркалата веројатно ќе бидат изоставени, за разлика од ГПС-тракерот или автотелефонот сокриен во возачката врата.

Џејмс Бонд и неговиот Aston Martin DB5 станаа поп-икони и прераснаа во едно од најуспешните и најдолги филмски партнерства

Во фабриката во Њупорт Пагнел ќе се изработат 28 реплики на DB5. Таму се произведуваше оригиналната моделска серија. По еден примерок ќе остане за Aston Martin и за продуцентската фирма Eon Productions, еден оди за хуманитарно наддавање, а 25 примероци одат во возните паркови на колекционерите кои можат да си ја дозволат цената.


Ти се допаѓа? Сподели со пријателите!

149
22 shares, 149 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743