172
23 shares, 172 points

Странска анкета покажува дека расте интересот за системите за асистенција, особено оние што придонесуваат за побезбедно возење. Добри шанси имаат и автопилотите. За некои услуги сепак нема толкав интерес

Четири од пет возачи сметаат дека системите за асистенција го прават возењето побезбедно и покомфорно. Тоа е заклучокот од истражувањето, коешто беше спроведено во јуни меѓу 1.000 возачи во Германија, преку телефонска и онлајн анкета.

Добро е тоа што возачите во исто време се свесни дека системите не можат да го заменат сопственото искуство зад воланот. Така сметаат дури 85% од возачите во анкетата. Приближно една третина од нив (34%) ценат дека се добри возачи, додека други 60% сметаат дека може да бидат и подобри.

Најценети се системите за асистенција коишто го прават возењето побезбедно

Најважни според возачите се оние системи за асистенција, коишто придонесуваат за безбедноста во возењето. Тоа се самостојното запирање при опасност од судир во возач или пешак, системот за следење лента и за предупредување при возило во мртов агол, како и паркинг сензори.

Наспроти тоа, мултимедиските функции што служат за пристап до музика, видеа или игри, не се ценат толку високо. Мошне е висока и стапката на возачи (65%), кои се свесни дека премногу опрема во кабината го одвлекува вниманието од возењето. Системите што се најмалку интересни за возачите се апликација за барање паркинг, алко-тест и камера за сообраќајни знаци.

Вмрежувањето меѓу возилата им се допаѓа на возачите – повторно поради безбедноста

Меѓу мултимедиската опрема исто така се најценети системите кои се однесуваат на безбедноста. На возачите им е најважен автоматски систем што ќе ги алармира спасувачките служби во случај на незгода и ќе ги информира за локацијата. Следни се онлајн-навигациски системи за безбедно избегнување застој на патот. Важност му се дава и на меѓусебното вмрежување на возилата, заради предупредување при опасност на патот или при наидување на опашот на колоната во застој.

При изборот на опремата во идниот автомобил, возачите просечно би инвестирале по 902 евра во системите што се релевантни за безбедноста. За системи што се однесуваат на комфорот, дополнителната сума би изнесувала 618 евра. Мултимедијата им вреди само 339 евра на возачите во анкетата.

Услугите како достава на пратка во паркираниот автомобил не наидуваат на интерес

Една третина од испитаниците не знаат што значи поимот „Connected Car“ или вмрежено возило. Тие имале критички став и за достава на пакети во багажникот на сопствениот автомобил. Три од четири испитаници не веруваат дека таа услуга ќе наиде на широка прифатеност.

Затоа пак, дури 36% би размислиле да купат автомобил што може самостојно да извози одредена рута. Релативно е висок (29%) и уделот на возачите што би се решиле за автомобил кој може да вози комплетно сам.


Ти се допаѓа? Сподели со пријателите!

172
23 shares, 172 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743