Исклучително редок олдтајмер Alfa Romeo 8C 2900B Touring Berlinetta, пред четириесетина години му бил вреден 10.000 евра на тогашниот купувач. Инвестицијата не можело да испадне поисплатлива, затоа што италијанскиот автомобил сега се продаде за баснословна сума
На големо наддавање за време на салонот за олдтајмери Ретромобил во Париз, на 40-годишниот јубилеј на манифестацијата, во минатата недела се смени сопственикот на еден исклучително редок автомобил – за милионска сума. Станува збор за Alfa Romeo 8C 2900B Touring Berlinetta, произведена во 1939 година, којашто на наддавањето се продаде за сума од 16.745.600 евра.
Конкретната изведба на 8C е изработена во само пет примероци
Оваа Alfa стана трет највреден автомобил од предвоеното време. Претходниот сопственик има причина да биде неизмерно радосен. Тој го купил возилото во 1976 година по вредност на денешни 10.000 евра. Проценителите очекуваа и повисока сума, дури и до 22 милиони евра, затоа што од Alfa 8C се изработени само 50 примероци, од кои триесетина користеле 2,9-литарски мотор, а од конкретнава варијанта постоеле само пет примероци. Во предвоениот период, оваа Alfa била најбрз автомобил надвор од тркачките патеки.
Италијанскиот автомобил бил донесен на англиска територија уште пред избувнувањето на втората светска војна. Потоа се смениле уште четири сопственици, пред таткото на доскорешниот сопственик – и сегашен милионер – да го купи возилото во 1976 година во вредност на денешни 10.000 евра. Alfa била дел од вредна колекција и ретко го гледала светлото на денот. Познавачите ценат дека во последните 43 години, автомобилот имал изминато само 12.500 километри.
Новиот сопственик е приватен колекционер од САД.
Мото-рели со олдтајмери се вози на Истра во јуни
Alfa Romeo владее на сцената на олдтајмери во Јапонија
Топ 10 Најскапи автомобили на наддавањето во Калифорнија
Ferrari ги прославува четириседите што ги обожуваше Енцо