141
19 shares, 141 points

Светот е во толкава еуфорија од новата Giulia што никој не забележа дека таа доаѓа заедно со ново лого. Тоа изгледа многу поедноставено во споредба со старото, но нема причина за паника.

Сите логоа некогаш се менуваат. На Alfa Romeo исто така. Колку што Италијанците се мајстори за церемонии, толку уживаат и во прикажувањето на своите дела преку симболични чинови. Alfa Romeo Giulia го означува новиот почеток на миланската марка, нејзината премиера се случи во новоотворениот музеј со историските модели на марката во Арезе, а соодветно на новиот почеток е ново и логото. Прво се забележува дека новото лого е многу поедноставено во споредба со досегашното, и тоа води кон прашањето, зошто едно од најспектакуларните и најпочитувани логоа во автомобилската бранша сега се деградира визуелно. Објаснувањето е многу едноставно: изгледот на новото лого е многу посличен со оригиналното од 1910 година.

Трансформацијата на логото на Alfa Romeo низ историјата

Alfa Romeo Logo History

Но, сега кога логото на Alfa Romeo повторно (не) е во центарот на вниманието, многумина ќе се запрашаат: Што всушност претставува тоа, и дали навистина змијата го проголтува човекот?

Логото е круг поделен вертикално на две половини. Во левата половина е прикажан црвен крст на бела подлога. Неговото значење се објаснува лесно. Станува збор за грбот на градот Милано, каде што порано се произведувани автомобилите на Alfa Romeo.

Змија ли е? Змеј? Јазик? Човек?

Повозбудливиот дел е во десната половина на кругот. При површно гледање може да се помисли дека станува збор за некој вид на крунисана змија-змеј со црвен јазик. Но, ако се погледне подобро, јазикот не е поделен на два дела, како што е вообичаено кај змиите, туку има три дела. Тука воопшто и не станува збор за јазик, туку за човек што до половина виси од челуста на рептилот. Зарем навистина Alfa Romeo прикажува змија што проголтува човек во своето лого?

Новото лого на Alfa Romeo
Новото лого на Alfa Romeo

Животното потекнува од грбот на Висконти, најмоќната фамилија во Милано во 14-от век, од каде што нели потекнува и марката Alfa Romeo. Помалку е јасно што прави змијата и како е дојдена тука. Според легендата, Висконтијците го презеле грбот од штитот на непријателот што го победиле во светите војни. Според некои извори станува збор за дете од фамилијата Висконти, коешто до половина било проголтано од змијата, но таа повторно го пуштила. Така доаѓаме и до одговорот на прашањето што прави змијата, којашто во оригиналниот поим се спомнува како „Бискионе“.

Колку повеќе извори се консултираат, толку има повеќе варијации за историјата на потеклото на грбот. Но, барем едно е јасно. Бискионе е симбол на Милано и се користи и во логоата на други италијански претпријатија.

Ломбардискиот автопроизводител – Alfa e скратено од Anonima Lombardia Fabbrica Automobili – го користи логото уште од 1910 година. Официјалното толкување на логото според експертите на Alfa Romeo е следното. Отоне Висконти го презел грбот од штитот на поразен сараценски рицар. Тоа што виси од челуста на змијата, во никој случај не е „мал оброк“, туку е нов човек, прочистен и освежен. Како животно со кружна форма – ако се земе во предвид дека таа се склопчува во круг – змијата претставува симбол на препородот, способна да ја обнови својата кожа и самата себе. Тоа е многу побезопасно и многу поедноставно значење, но затоа и многу пологично.


Ти се допаѓа? Сподели со пријателите!

141
19 shares, 141 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743