160
21 shares, 160 points

Кинескиот производител на автомобили Aiways испрати два прототипи од својот иден модел U5 на пат од Ксиан за Европа. Патувањето е долго над 14.000 километри, а целта е Франкфурт, односно салонот ИАА што ќе се одржува во германскиот град меѓу 12-ти и 22-ри септември.

Рутата долга 14.231 километри почнува по Патот на свилата и продолжува низ Казахстан и Русија. Предвидено е минување низ Москва и Санкт Петерсбург, пред да се продолжи кон Финска и неколку локации низ Скандинавија. По влегувањето во Германија, двата електрични СУВ-модели ќе упатат и кон Амстердам, Париз и Цирих. Потоа следи совладување на Алпите и враќање во Германија. Маратонското патување ќе заврши пред халите на салонот во Франкфурт, во средината на септември.

Инженерите на кинескиот производител ќе ги користат искуствата од долгото патување, за завршно дотерување на моделите за сериско производство. Целта е друга. Aiways сака да докаже колку е едноставно патувањето на долги релации со неговиот електричен СУВ. За логистиката при маратонското патување се грижи партнерот Allianz, во случај на потреба за полнење на батеријата надвор од предвиденото.

Продажбата на Aiways U5 во Европа се очекува да стартува во април 2020 година. Тоа ќе биде прв електричен автомобил од кинеска продукција, што ќе се продава на европскиот пазар. Во почетокот ќе бидат покриени само најголемите пазари за електричниот погон, односно Норвешка, Шведска Финска и Германија. Кинеските возачи ќе ги добијат своите примероци од U5 пред крајот на годинава.

Ја следите авантурата на нашите светски патници Шуклев и Николов со Рено 4 до Кина?

џоко шуклев ѓорѓи николов кина пекинг
џоко шуклев ѓорѓи николов кина пекинг

 


Ти се допаѓа? Сподели со пријателите!

160
21 shares, 160 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *