120
17 shares, 120 points

Сопственик на Opel Zafira од 2002 година денес се појави пред централата на марката во Риселсхајм со точно 500.000 изминати километри – без каков било дефект на возилото!

По дванаесет години користење на Opel Zafira, Германецот Андреас Шилд од Франкфурт денес беше пречекан лично од шефот на марката со молња во маската, Др. Карл-Томас Нојман. Ванот на Андреас Шилд е Zafita 2.2 DTi од 2002 година, со 125 КС и со тогашното ниво на опрема Selection Executive. Искуството на Германецот со овој автомобил е во тоа што тој ги минал половината милион километри без каков било дефект, исклучувајќи ги редовните замени на сопирачките дискови и облогите. Поради истрошеност биле заменети и издувниот лонец, две пружини, како и сервопумпата за управувањето – што е сосема разбирливо ако се има во предвид огромната километража на Zafira. Сите останати делови во возилото се оригинални, од првото вградување.

Шилд е сопственик на агенција за организирање манифестации од Франкфурт и досега поседувал повеќе модели од Opel – исклучиво Opel. Првиот автомобил, Opel Rekord 1900 L од 1965 година, тој го добил како подарок за положениот возачки испит од неговиот чичко во 1978 година, за подоцна да следуваат Kadett, Omega и уште една Zafira пред актуелнава.

Пријателите постојано се шегуваат со Шилд и со неговата Zafira: „Што, ова уште вози?“ Да ги посетеа нашите улици, овие ќе знаеја дека и половина милион километри уште се малку.

Шефот Нојман (лево) веднаш организираше сликање покрај новата Zafira, за Шилд да се присети да го замени автомобилот - но, овојпат безуспешно, Шилд е погрешниот човек за тоа
Шефот Нојман (лево) веднаш организираше сликање покрај новата Zafira, за Шилд да се присети да го замени автомобилот – но, овојпат безуспешно, Шилд е погрешниот човек за тоа

Ти се допаѓа? Сподели со пријателите!

120
17 shares, 120 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *