Дарко Јаконов
Калифорнискиот пионер на електричниот погон го зголемува капиталот за да обезбеди половина милијарда долари за идните проекти. Шефот Илон Маск веќе поседува акции во вредност од 6,7 милијарди долари.
Производителот на електрични автомобили Tesla ги притиска инвеститорите за да обезбеди пари за идните големи проекти. Издавањето на 2,1 милиони нови акции треба да донесе повеќе од 500 милиони долари, односно околу 450 милиони евра во касата на производителот. Шефот Илон Маск исто така ќе купува акции за 20 милиони долари. Основачот и мултимилијардер веќе поседува акции во вредност од 6,7 милијарди долари и учествува со 27 проценти во претпријатието.
Tesla ќе ги искористи свежите пари за изградбата на огромната гигафабрика за батерии во пустината во Невада. Овој проект има клучна улога за претпријатието што досега работеше со високи загуби да постигне услови за евтино производство и да влезе во зоната на профитабилност. Дел од парите ќе бидат наменети за дистрибутерската мрежа на Tesla, за изградба и одржување на мрежата од полначи за струја, како и во развојот на Model 3 којшто со цената ќе биде поблиску до масовниот пазар.
