Вести

Германската индустрија бара експерти за 3D-печат

Техниката на тридимензионално печатење созреа и наидува на сé поголема примена

Автомобилската индустрија е една од главните бранши во коишто наоѓа примена 3D-печатењето. Бројот на новоотворени работни места за специјалисти за 3D-печат во германските компании лани се зголемил за близу 90 проценти.

Техниката на 3D-печатење постигна огромен пробив во минатата година. Тоа се покажува и во бројот на огласи за вработување на експерти за 3D-печатење во германската индустрија. Бројот на распишани конкурси во сите бранши лани се зголемил за 88 проценти, со вкупно 4.100 нови работни места.

Само во последните две години се вработени преку 6.000 специјалисти за техника на тридимензионално печатење. Најмногу вработувања има во браншата машиноградба и постројки, кадешто отпаѓаат околу 2.200 места. На второто место е автомобилската индустрија со 1.400 места, потоа следат стоматолошката и медицинска техника со 1.350 и воздухопловството со 1.300 места. Лани трипати се зголемил бројот на работни места за специјалисти за 3D-печат во автомобилската индустрија, стоматолошката и медицинска техника, како и во аеронаутиката.

Во најголемиот број огласи се бараат конструктори и машински инженери, програмери, експерти за продажба и развој на пазар, како и експерти за истражување и развој. На регионално ниво предводи Минхен, кадешто отпаѓаат околу 15 проценти од вработувањата во 3D-печатот.

Резервни делови за олдтајмери од 3D-печатар

Делови од 3D-печатар во тркачките болиди на BMW

Ознаки
loading...

Слични објави

Напишете коментар

Вашата адреса за е-пошта нема да биде објавена. Задолжителните полиња се означени со *

Откриен е Adblock

Ќе ни помогнете доколку ја исклучите вашиата блокада за реклами

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3729