Европскиот пазар на нови автомобили веќе три квартали по ред бележи пораст во продажбата. Четири од петте најпродавани марки дури имаат и двоцифрен пораст.
На врвот на продажбата на автомобилски марки во месец март и натаму нема промени, Volkswagen останува број 1 на европскиот пазар, со зголемување во продажбата од 4,7 проценти. Но, конкурентите не мируваат. Втората и третата најпродавана марка, Ford и Opel, во март пораснаа за 12,6, односно за 13,9 проценти, со што полека се топи предноста на лидерот VW. На ниво на кварталска продажба, најмногу напредуваа Ford и Renault, со пораст од 10,8 проценти. Сите десет најпродавани марки забележаа зголемување во продажбата и на ниво на месец март и на ниво на квартал.
На списокот на 10-те најпродавани марки можно е наскоро да се појави и романската Dacia. Евтината, но очигледно добра марка на Renault, во првите три месеци од годинава забележа плус од 42 проценти во споредба со истиот период лани. Најголемиот поттик за порастот во продажбата доаѓа од Sandero и Logan. Добро се движат и Mazda, Nissan, Seat, Skoda, Suzuki, Toyota и Volvo.
Кај моделите води Volkswagen Golf, кој од месец во месец бележи двоцифрен пораст во споредба со месеците лани. Март покажа зголемување од 14,1% за бестселерот на Volkswagen, додека плусот за првите три месеци изнесува 15,3%. Ford постигна вистински погодок со фејслифтот на Fiesta, со зголемување на продажбата во првиот квартал од 10,1%, но и другите модели, како Kuga, Mondeo, S-Max и Galaxy, растат брзо. Новиот Captur исто така ја почна годината со одлични продажни резултати, со преку 41.000 продадени примероци за првите три месеци од 2014.
Останатите модели што може да се пофалат со добра продажба се ванот Citroen C4 Picasso/C4 Grand Picasso, новиот Nissan Note, Seat Leon и серијата 4 на BMW. Иако повеќе не се на списокот на десетте најпродавани модели во Европа, Skoda Octavia и Audi A3 се модели што забележаа најголемо зголемување во продажбата во март, со пораст од 38,5 и 50,5%. Изненадува десеттото место за Fiat 500, кој се искачи толку високо благодарение на новиот продажен бран во Франција, Германија, Велика Британија и Италија.
10 најпродавани модели во Европа во март 2014
Марка и модел | Продадени примероци во март ‘14 | Промена во однос на март ‘13 | Продажба во прв квартал ‘14 | Промена во однос на прв квартал ‘13 |
VOLKSWAGEN GOLF | 56,042 | +14.1% | 129,599 | +15.3% |
FORD FIESTA | 44,491 | +6.9% | 85,639 | +10.1% |
OPEL/VAUXHALL CORSA | 33,563 | -0.1% | 64,591 | +1.6% |
RENAULT CLIO | 32,434 | +2.8% | 74,473 | -1.2% |
FORD FOCUS | 30,743 | +6.2% | 61,170 | -0.2% |
VOLKSWAGEN POLO | 30,716 | +8.0% | 73,576 | +6.8% |
NISSAN QASHQAI | 27,843 | -4.5% | 53,773 | -13.1% |
PEUGEOT208 | 26,211 | -7.0% | 62,275 | -7.0% |
OPEL/VAUXHALL ASTRA | 24,016 | +8.0% | 46,224 | -10.3% |
FIAT500 | 21,990 | +23.1% | 46,572 | +19.5% |
10 најпродавани марки во Европа во март 2014
Марка | Продадени примероци во март ‘14 | Промена во однос на март ‘13 | Продажба во прв квартал ‘14 | Промена во однос на прв квартал ‘13 |
VOLKSWAGEN | 164,304 | +4.7% | 392,857 | +3.7% |
FORD | 126,101 | +12.6% | 253,167 | +10.8% |
OPEL/VAUXHALL | 113,303 | +13.9% | 225,300 | +7.9% |
RENAULT | 95,206 | +21.6% | 215,140 | +10.8% |
PEUGEOT | 85,918 | +11.6% | 207,681 | +9.4% |
AUDI | 82,090 | +7.4% | 184,733 | +8.6% |
BMW | 77,666 | +9.6% | 168,681 | +6.2% |
MERCEDES | 71,489 | +6.7% | 157,645 | +3.9% |
NISSAN | 66,163 | +14.9% | 130,057 | +6.7% |
CITROEN | 66,067 | +7.4% | 162,970 | +4.1% |