за

Хибриден и теренски Kia Soul за салонот во Чикаго

Kia планира теренска изведба на трендовскиот кросовер Soul. Во Чикаго ќе дебитира студијата Trail’ster со електромотор за задната оска и каросерија во стил на теренец.

Моделот Soul и досега беше добар, со впечатливиот дизајнерски и функционален спој на компактен автомобил и ван. Американската филијала на Kia сега има намера да ги додаде и третата и четвртата варијација во концептот на кросоверот, со воведување погон на сите тркала и додавање стилски елементи на теренец во каросеријата. Студијата Trail’ster го реализира погонот на сите тркала на интересен начин. За погонот на задната оска служи електромотор, како помош за турбо-бензинецот задолжен за предните тркала. Како заокружување на пакетот доаѓа и платнен покрив. Комбинацијата од компакт, ван, теренец, кабриолет и хибрид засега е само студија, но не е исклучено моделот наскоро да се појави и во продажба. Kia денес ја објави само „тизер“ фотографијата од Trail’ster, премиерата на моделот е на 12-ти февруари, на салонот во Чикаго.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Новиот Focus RS доби „одобрение“ од Кен Блок

Легендарниот Borgward се враќа по половина век