Светот може конечно да продолжи да функционира нормално, Bentley го претстави најбрзиот, најскапиот, најсилниот и најексклузивниот теренец. Тоа што основата е од Audi Q7 само му оди во прилог на Audi.
Кога на новиот Audi Q7 ќе му се додадат повеќе коњски сили, повеќе луксуз и повеќе во сé, резултатот е Bentley Bentayga. Тоа е точно или приближно точно формулата да се добие најексклузивниот, најбрз, најсилен и најлуксузен теренски автомобил во светот – можеби не е наведено по точниот редослед, но секогаш е „нај“.
Што значи тоа „нај“: Нов шестлитарски мотор со 12 цилиндри, битурбонатполнење и моќност од 609 КС, заедно со вртежен момент од 900 њутнметри и осумстепен автоматски менувач. Со крајната брзина од еден над 300 километри на час, Bentayga или како и да е името на агата, побрз е од повеќето суперспортски автомобили во светот, а секако и од сите спортски теренци. Спринтот на крстосувачот тежок 2.422 до сто километри на час трае 4,1 секунди. За моќта да се пренесува совршено на подлогата задолжен е ротацискиот прекинувач со можност за избор на осум различни модуси на работа – во стил на Terrain Response на досегашниот примус Range Rover.
Во секој друг поглед, Bentayga е Bentley каков што треба да биде, вклучувајќи ја беспрекорната рачна изработка, примената на ексклузивни и егзотични материјали во кабината, па и цената – над 200.000 евра.