за ,

Фабриките на Mercedes претесни, GLC од 2017 ќе се произведува и во Финска

Поради големиот пазарен интерес за GLC, од 2017 година Mercedes ќе го произведува компактниот теренец и во фабриката на Valmet во Финска. Порастот во продажбата на овој модел изнесува 26 проценти.

Сопствените производствени капацитети на Mercedes станаа претесни за покривање на побарувачката за возила од марката. Од 2017 година, новиот компактен теренец Mercedes GLC ќе се произведува дополнително во погоните на Valmet во финскиот Усикаупунки. Наследникот на GLK почна да се произведува во фабриката во Бремен во јуни. Само во октомври, светската побарувачка за теренските модели на Mercedes се зголеми за 26 проценти, на вкупно 47.000 примероци. Најголемата заслуга за тоа ја има токму GLC. Марката од Штутгарт годинава ги освежи и моделските серии GLE (ML) и GLS (GL), а премиерно го воведе и купе теренецот GLE Coupe.

Valmet Automotive произведува дополнителна серија од класата А на Mercedes уште од 2013 година. До почетокот на следната година вкупната продукција на компактниот модел во Финска ќе достигне 100.000 примероци. Слични бројки се очекуваат и од GLC.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Официјално од Volkswagen: Волфсбург ги има решенијата за дизел моторите EA189

Renault ги објави цените за новиот Megane за францускиот пазар