Mercedes-Benz Style отвори павилјон за своите ексклузивни производи во Порто Монтенегро, во црногорскиот Тиват. За прв пат марката ги прикажува сите свои производи за секојдневието, од очила до мебел, но и за несекојдневието, како хеликоптерот Eurocopter EC145.
[slideshow id=89]
Со ексклузивна гала вечер беше отворен павилјонот во приморскиот град Тиват, каде што Mercedes-Benz Style за прв пат ги прикажува на едно место сите групи на производи од својата дизајнерска марка: Мебел, кожени производи и куфери, очила, модел на хеликоптер, па дури и модел на идната јахта Granturismo. Оваа 14-метарска јахта ќе биде претставена во финалната изведба на Салонот на јахти во Монако кон крајот на септември, а тогаш ќе почнат и нарачките. Тиват ќе биде дом на оваа суперлуксузна јахта која што е произведена во Silver Arrow Мarine.