Тест на зимски гуми на клубот АДАК: Димензија 225/45R17 H

Клубот АДАК тестираше 13 зимски гуми со димензија 225/45 R 17 и брзински индекс H. Оваа спортска големина на гуми е широко застапена во средната класа. Меѓу една добра и две слаби на гуми се пласираа останатите модели на гуми со просечни својства и со вообичаените силни и слаби страни.

За актуелната сезона, АДАК тестираше 13 модели на зимски гуми со спортската димензија 225/45 R 17 H. Само една од тестираните гуми ја доби оцената „многу добро“ од клубот, десет кандидати го завршија тестот со оцената „добро“, додека две зимски гуми добија оцена „доволно“. Dunlop Winter Sport 5 е единствената гума со оцена „многу добро“ и истата не покажа слабости во ниту една дисциплина на тестирањето, односно се одликува со мошне изедначени својства.

Различни причини за големиот број гуми со оцена „добро“

Во големата група што беше оценета со „добро“ се најдоа десет модели на зимски гуми. Причините што оневозможија истите да добијат повисока оцена се најразлични. Триото сочинето од Pirelli Winter SottoZero 3, Goodyear UltraGrip Performance и Uniroyal MS plus 77 не заслужи оцена „многу добро“ првенствено поради слабостите на сува подлога, додека следното трио од Firestone Winterhawk 3, Hankook i*cept evo2 W320 и Viking SnowTech II покажа изразени слабости на влажна подлога.

Пропустите кај Nokian WR D4 и Yokohama W.drive V905 се во поголемото абење на гумите, поради што експертите на АДАК мораа да им одземат од вкупната оцена. Bridgestone Blizzak LM001 и Vredestein Wintrac Extreme S имаат повеќе проблеми на снег отколку конкурентите, што исто така доведе до намалување на крајната оцена.

Оцена „доволно“ поради слабости на влажна подлога

Двете гуми што добија оцена „доволно“ од АДАК се Matador MP92 Sibir Snow и BF Goodrich g-Force Winter. Причината за ниската оцена се изразените слабости при возење на влажен пат.

Техничарите на автомобилскиот клуб го критикуваат однесувањето при аквапланинг кај повеќето гуми на тестот. Во оваа дисциплина најдобро се покажаа Bridgestone и Uniroyal. Во поглед на тракцијата, повеќето гуми постигнаа изненадувачки добра тракција на налегната снежна подлога. Goodyear тука постигна најдобри оцени, додека Pirelli и Bridgestone покажаа слабости.

Во издржливоста се појавуваат незначителни разлики. BF Goodrich исто така се одликува со мало абење, но затоа има изразени слабости на влажна подлога.

Зошто на тестирањето отсуствуваат некои премиум марки

Гумите од марките Continental, Michelin, Semperit, Fulda и Sava не учествуваа во тестирањето, затоа што нивните производители најавија нови производи за актуелната зимска сезона, но истите не беа достапни во слободна продажба во моментот кога АДАК го спроведе тестирањето. Тоа е воедно и еден од условите за учество на одреден модел на гума на тестирањето.

Ова се препораките од АДАК

Доколку барате зимски гуми со …

… изедначени својства во сите критериуми, најдобар избор е Dunlop Winter Sport 5.

… добри својства на снег, изберете ги или Goodyear UltraGrip Performance Gen-1 или Dunlop Winter Sport 5.

… добри својства на сув пат, најдобар избор се Bridgestone Blizzak LM001.

… ниска потрошувачка на гориво, прв избор се Goodyear UltraGrip Performance Gen-1 или Dunlop Winter Sport 5.

За овие модели одговара големината на зимски гуми 225/45 R17 H

Важност на резултатите од тестот за други димензии на гуми:

Резултатите од тестирањето на зимските гуми со димензија 225/45R17 H, со мали отстапувања важат и за „соседните“ големини на гуми, односно за 215/45 R 17 H, како и за 235/45 R 17 H.

Табела со оцени од АДАК од тестот на гуми со димензија 225/45R17 H

Појаснувања на означувањата во табелите:

1 = Води кон намалување на крајната оцена

2 = Производителот во меѓувреме има нова генерација од овој модел на гума

Оцени: ++ = Одлично, + = Многу добро, о = Добро, – = Доволно, -/- = Недоволно