Lotus го одбележува јубилејот на Elise со специјалната серија „20th Anniversary Special Edition“. Основа на роденденскиот модел е Elise S Club Racer, со полесна и поародинамична каросерија. Тежината изнесува само 914 килограми, односно десет килограми помалку од стандардниот Elise S. Забрзувањето до сто со 1,8-литарскиот мотор со 220 КС трае само 4,6 секунди, а крајната брзина изнесува 237 километри на час.
На арматурната табла, на седиштата и на опашот се наоѓа специјалното лого на серијата. Култната британска марка го нуди овој модел со дополнителна опрема во вкупна вредност од 7.000 евра, но за клима-уред, радио и цврст покрив и натаму мора да се доплати екстра.