Дарко Јаконов
Втора година по ред марката Jaguar победува во студијата за задоволството на клиентите на институтот J.D.Power и на магазинот What Car.
Титулата во вишата средна класа ја понесе Jaguar XF, меѓу другото и со високите оцени за перформансите, како и за трошоците за сервисирање и одржување, кои што ги доби од сопствениците на возилото. Сестринската марка Land Rover се пласираше на шестото место и за најголемото пробивање на листата ја доби специјалната награда Star Brand.
Специјализираната марка за теренски возила лани за прв пат се најде меѓу десетте најдобри марки според оцените на сопствениците. Со издржливоста особено се издвојуваат моделите Discovery и Freelander. На четирите места меѓу двете британски марки се најдоа Lexus, Honda, Skoda и Mercedes Benz.
