Mercedes изработи специјална верзија од E-Class со каросерија продолжена за 14 сантиметри, само за кинескиот пазар. Екстра простор на задната клупа е важен „детал“ за Кинезите.
На штотуку започнатиот салон во Пекинг пристига голем новитет од Mercedes. Новитетот е подеднакво голем и поради значењето и поради димензиите. Германците изработија специјална изведба од новата E-Class наменета за кинескиот пазар, со меѓуоскино растојание зголемено за 14 сантиметри. Тоа е вообичаена практика на европските марки во битката за кинеските купувачи, коишто ги преферираат овие модификации. На Кинезите им е важно да има изобилство простор за седење на задната клупа. Дополнителниот простор за седење назад е комплетиран со неколку комфорни ставки што исто така им значат на Кинезите.
Должината на екстра-изведбата на Mercedes E-Class сега изнесува вкупно 5.063 милиметри, што е за три палци помалку во споредба со знаменосецот од класата S. Меѓу оските има растојание од 3.079 милиметри, што сепак е за триесетина милиметри повеќе во споредба со „кусата“ изведба на S-Class. Зеедно со екстра просторот за седење, со подолгите задни врати се олеснува и пристапот на задната клупа – уште една предност што ја ценат на големиот пазар.
Mercedes E-Class L се разликува по триаголните прозорци што се додадени под задните столбови, како и по издолжената линија на покривот, со што долгата E-Class заличува на релаксирачката хармонија со којашто зрачи Maybach S.