Повеќе од 1,6 милион автомобили се произведени во Велика Британија до последниот месец од годинава. Само во ноември 170.000 возила излегоа од производствените ленти во земјата. Последен пат ноемвриската продукција ја достигнала оваа вредност во 1999 година. Четири од секои пет произведени автомобили заминуваат за извозните пазари.
Во минатиот месец во фабриките за автомобили во Велика Британија се произвеле близу 170.000 возила, што е за првпат продукцијата да ја достигне оваа вредност по ноември 1999 година. Рекордни бројки прикажува и вкупната продукција од почетокот на годинава, со вкупно 1.613.495 возила или за 56.000 возила повеќе отколку за единаесет месеци лани.
Од ноемвриската продукција, 33.745 возила (+14%) се наменети за домашниот пазар. Извозот исто така бележи рекорд, со 1.258.909 возила или за 2,5% повеќе отколку лани. Автомобилската индустрија е од витално значење за британската економија, со годишен промет од 71,6 милијарди фунти. Во индустријата директно се вработени 169.000 лица, односно индиректно 814.000 лица. Автомобилите учествуваат со 12% во вкупниот извоз од земјата, а секоја година се инвестираат по 2,5 милијарди фунти во истражување и развој.
Во земјата моментно се произведуваат над 70 модели од триесети производители на автомобили и товарни возила, на што се надоврзуваат уште 2.000 добавувачи за автомобилската индустрија. Со 1.587.677 возила, Велика Британија лани била 4-ти најголем производител на автомобили во Европа, по Германија, Шпанија и Франција.
Овие автомобилски марки произведуваат во Велика Британија
Производител | Локација | Сектор | Модели |
Aston Martin | Гајдон | Автомобили | Comet, DB9, DB11, Rapide, Vantage, Vanquish |
Bentley | Кру | Автомобили и мотори | Bentayga, Continental, Mulsanne |
BMW | Хамс Хол | Мотори | Моторна гама |
Caterham | Дартфорд | Автомобили | Seven |
Ford | Бриџент и Дагенам | Мотори | Моторна гама |
Honda | Свиндон | Автомобили и мотори | Civic, CR-V, Jazz |
Jaguar Land Rover | Касл Бромвич и Волверхемптон | Автомобили и мотори | Jaguar F-Pace, F-Type, XE, XJ, XG; Моторна гама |
Солихал и Хејлвуд | Автомобили | Land Rover Discovery, Discovery Sport, Range Rover, Ranger Rover Sport, Evoque | |
Lotus | Норвич | Автомобили | Elise, Evora, Exige |
McLaren Automotive | Вокинг | Автомобили | 540, 570, 650, 675, P1 |
MG Motors | Лонгбриџ | Автомобили | MG3, MG6 |
Mini | Оксфорд | Автомобили | MINI 3 / 5 Door, MINI Convertible, Clubman, Coupé, Roadster |
Morgan | Малверн | Автомобили | Aero, Aero Supersport, Aero Coupe, 4/4, Plus 4, Plus 8, Roadster, 4 Seater, 3 Wheeler |
Nissan | Сандерленд | Автомобили и мотори | Juke, LEAF, Note, Qashqai, Infiniti Q30 |
Rolls-Royce | Гудвуд | Автомобили | Ghost, Phantom, Wraith |
Toyota | Бурнастон | Автомобили и мотори | Auris, Avensis |
Vauxhall | Елсмер Порт | Автомобили и доставни возила | Astra, Vivaro |