За десетина денови на наддавање во англискиот Силверстоун ќе се појави исклучително редок автомобил врз база на Fiat 500. Се очекува овој Steyr Puch 500 да достигне вредност до 23.000 евра.
Puch 500 е името на автомобилот што Steyr-Daimler-Puch го произведуваше во Грац, во Австрија, откако компанијата реши да продолжи со производство на автомобили во 1954 година. Со цел да ги избегне скапите трошоци за развој на комплетно нов модел, Австријците решија да потпишат договор со Fiat за лиценцно производство на малечкиот 500, со заден капак, покрив, мотор, менувач и шасија произведени во Грац.
Тоа што го особено вреден примерокот стар 54 години за наддавањето на 20-ти септември во Силверстоун е фактот што се работи за единствениот преостанат примерок од Steyr Puch 500 со волан од десна страна, покрај оној што се наоѓа во музејот на марката во Австрија. Сегашниот сопственик го купил возилото во минатата година од Ирец, кој 28 години го чувал автомобилот во совршена состојба. По освежувањето на кабината, замена на гумите и неколку зафати во механиката, овој австриски „тополино“ сега ќе си ја проба среќата на аукција – поточно, среќата ќе си ја пробаат членовите од заедницата на љубители на Steyr/Fiat, да дојдат до овој исклучително редок и вреден примерок.