Активисти во германскиот град смислиле соодветна дисциплинска мерка за погрешно паркираните автомобили. Преку ноќ, автомобилите се буквално спакувани во фолија, а има и порака за сопственикот.
Проблемите со неправилно паркираните автомобили не им се непознати на жителите на Штутгарт. Меѓу причините за негодувањето најчесто се наведува загрозувањето на безбедноста на пешаците и велосипедистите. Група активисти се мобилизираше и деновиве спроведе акција, по којашто негрижливите возачи ќе внимаваат повеќе каде го паркираат автомобилот.
Во градот е раздвижено пред празниците и автомобилите честопати се оставаат на места коишто им пречат на децата, на велосипедистите и на луѓето со инвалидска количка. Активистите имаат решение. Сопствениците ќе ги најдат своите возила обвиткани во проѕирна фолија, заедно со порака на којашто возачот, но и сите минувачи, можат да прочитаат која е причината за „пакувањето“ на возилото.
Специјален подарок за возачите на погрешно паркираните автомобили
Акцијата се одвивала во неделната ноќ во населба во којашто постојат голем број детски градинки и училишта. Најголемиот проблем го предизвикуваат автомобилите што се паркирани пред самите крстосници, кадешто им ја попречуваат прегледноста на минувачите и ги доведуваат во опасност. Затоа постојат и сообраќајните правила, според коишто е забрането возило да се паркира на растојание помало од пет метри од крстосницата.
Во германскиот град Хајделберг лани беше поттикната акција во којашто граѓаните закачуваа самолепливи листови на погрешно паркиран автомобил во центарот на градот. Автомобилот беше намерно паркиран на недозволено место, како дел од акцијата.
Фотографии направени од граѓани што ги забележале спакуваните автомобили се споделуваат по социјалните мрежи, луѓето коментираат и критикуваат. Во меѓувреме реагираа и од градската управа, најавувајќи поостро санкционирање на дрското однесување на возачите. Ефектот е постигнат.
Спакуваните автомобили се хит на социјалните мрежи:
#Falschparker eingepackt 🚙🎁 🤣 @stuttgart_stadt: Zukünftig wird strenger geahndet. 👏 Mehr Behördenmitarbeiter, die konsequenter vorgehen. 👍@hannover @Polizei_H @HAZ @StefanSchostok Wann wird in #Hannover endlich gehandelt, zur Sicherheit der Schulkids? https://t.co/33nnfy3bjB pic.twitter.com/cIkrMSZ5VR
— hannovercyclechic (@hannovercycle) December 19, 2017
Die #Falschparker-Weihnachtsaktion bei Bild online und im Print. Mal sehen wie die Kommentare auf Facebook werden.https://t.co/Qj6TJXMr4x
— ZWEIRAT Stuttgart (@zweirat0711) December 19, 2017