Дарко Јаконов
Audi го претстави новиот R8 LMS пред само десет недели, а овој автомобил близок до сериската верзија веќе успеа да ја извојува првата победа на трката чијашто неизвесност буквално траеше до последниот час.
Натпреварувачкиот тим на Audi победи со 40 секунди предност пред тимот на BMW. Тоа е резултатот од највозбудливиот 24-часовен маратон во историјата на Нирбургринг. Рекордни 35 пати се менуваше водството на оваа трка што датира уште од 1970-та година. Од средината на трката, со секое влегување во боксовите се менуваше водството на трката меѓу Audi и BMW. На крајот, за победата се избори белгискиот тим на Audi.
Тркачкиот автомобил од класата GT3 во околу 50 проценти е идентичен со серискиот модел, којшто беше претставен премиерно на салонот во Женева, во март. На 24-часовната трка стартуваа четири болиди Audi R8 LMS.
