Дарко Јаконов
Човек од германскиот Рендсбург се напил до таа мера што изумил каков превоз користи. На една бензинска станица се случила трагикомична ситуација откако тој имал намера да наточи бензин во неговиот велосипед.
Пијан 27-годишен Германец сакал да наточи гориво во својот велосипед на една бензинска станица во Рендсбург. Во новогодишното утро човекот почнал да се полева со бензин, што го забележала една минувачка и веднаш ја известила полицијата. Според полицискиот извештај, Германецот мислел дека полни гориво во својот автомобил. Службените лица заради заштита го ставиле лицето во притвор и извршиле тест на пијанство. Тестот покажал 2,44 промили алкохол во крвта. Бензинската станица се откажала од наплата на трошокот за гориво во висина од 74 центи.
