Старо име, нов автомобил. Малечкиот теренец Suzuki Ignis е долг само 3,70 метри и ќе стартува со продажба во почетокот на следната година. Како погонска единица на четириседот со надолжно поместлива задна клупа служи 1,2-литарски бензинец, којшто работи во конфигурација на т.н. благ хибрид.
Покрај растојание од подлогата од 18 сантиметри, микро-теренецот, како што Suzuki официјално го води новиот Ignis, достапен е и во верзија со погон на сите тркала, а со доплата се нудат и неколку напредни системи за асистенција, како самостојно запирање при опасност од судир, систем за следење лента и препознавање замор. Возачот може да го поврзе својот паметен телефон преку системот за конективност и преку дисплејот во кокпитот да пристапи до апликациите во телефонот.