Дарко Јаконов
Градските власти на Осло се грижат за подобрување на климата и планираат во иднина да ги забранат автомобилите во центарот на норвешкиот град. Тоа ги радува пешаците и велосипедистите, но ги загрижува економистите.
Осло ќе ги забрани автомобилите во центарот на градот до 2019 година. Новите градски власти во новрешката престолнина планираат за четири години целосно да го забранат пристапот со приватни автомобили во центарот на градот, каде што имаат живеалиште само илјада жители, но затоа на работното место пристигаат 90.000 лица.
Заедничката платформа на левичарката работничка партија, социјалистите и зелените победи на локалните избори во средината на септември. До 2019 година, автомобилскиот сообраќај на целата територија на градот ќе се намали за 20 проценти, а до 2020 година за 30 проценти.
Преполовување на штетните емисии од нивото во 1990 година
Центарот без сообраќај е дел од пакетот мерки што треба да придонесат емисијата на штетни гасови во Осло да се намали за 50 проценти наспроти нивото од 1990 година. Властите планираат намалување на потрошувачката на фосилни горива, проширување на мрежата велосипедски патеки и инвестирање во електрични велосипеди. Фирмите се загрижни за плановите и укажа на тоа дека единаесет од 57-те трговски центри се наоѓаат во центарот на Осло.
Осло не е единствен со овие планови. Другите европски градови веќе воведоа забрани за сообраќај во центарот, како Мадрид или Лондон. Во британската метропола веќе со децении важи градска патарина, што има за цел да го поттикне користењето на јавниот превоз. Париз неодамна стартуваше со недели без автомобили.
