за

Овој BMW i3 е подвижен банкомат што пристига на повик на клиент

Електричен BMW претворен во подвижен банкомат се упатува директно до корисниците кога истите ќе побараат банкарска услуга преку мобилна апликација. Идејата е интересна, но може да има и други „заинтересирани“.

Полска банка го упатува својот електричен BMW i3 директно до клиентите, кога тие преку апликација за мобилен телефон ќе побараат исплата на готовина. Авто-банкоматот засега функционира само на територијата на полската престолнина Варшава. Каросеријата е дополнително заштитена од упад однадвор и единствено го спушта задниот прозорец кога возилото ќе пристигне на локацијата на клиентот, ослободувајќи пристап до функциите на банкоматот.

Многу прашања остануваат неразјаснети, меѓу другото, дали банкоматот важи и за корисниците од други банки, колку чини провизијата за услугата на доаѓање на возилото и дали се планира проширување и во останатите полски градови. Во секој случај, интересна идеја, па дури и ако се работи само за маркетиншка акција. Но, компактно и лесно возило со пристојна сума пари во себе може да биде интересно и за други „корисници“ на банкарски услуги.

https://youtu.be/vZMeCenP6Y0

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Amazon воведува стриминг во висока резолуција во авион

Audi претстави нов дволитарски бензинец: Помалку од 5,0 l/100 km