за

Овој мотоцикл на BMW е измислен за каскадери

На саемот за мотоцикли во бразилскиот Сао Пауло доживеа премиера концептниот мотоцикл на BMW, развиен специјално за каскадерски акробации. Четирикратниот шампион Крис Фајфер има вмешано прсти во овој Concept Stunt G 310.

На најголемиот саем за мотоцикли на јужноамериканскиот континент кој се одржува во бразилскиот Сао Пауло е претставен концептниот мотоцикл BMW Concept Stunt G 310, со едноцилиндарски мотор и со асистенција во развојот од четирикратниот светски и европски шампион Крис Фајфер.

Посебно за концептниот мотоцикл е развиен едноцилиндарски мотор, со цилиндар навален наназад и глава завртена за 180 степени. На тој начин се овозможува оптимална позиција на моторот, но и кусо меѓуоскино растојание, и покрај големата должина на задната вилушка. Дополнително, со поместувањето на вшмукувачкиот тракт нанапред и спроведувањето на издувните гасови наназад се овозможи издувниот лонец да биде поставен во вертикална положба под седиштето, меѓу моторот и задната вилушка. Во оваа положба, лонецот не му пречи на каскадерот. Друга особеност на Concept Stunt е „каскадерскиот опаш“ развиен од BMW и изработен од алуминиум. Отворот во средината, таканаречениот Seat-Hole, на каскадерот му обезбедува подршка за стопалата.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Бондовскиот Aston Martin DB10 ќе биде дел од уличното ауто-шоу во Лондон

Технологија од играчките конзоли во развојот на нови модели во Audi