Во пресрет на ноќта на вештерките, на овој список се најдоа не случајно 13 автомобили, на кои производителите решиле да им дадат морничави имиња. Изборот на името е речиси пресуден момент за успехот на одреден модел, затоа што името треба да го привлече интересот на купувачите за автомобилот и да им пренесе одредена порака.
Намерата на производителите да им дадат „страшни“ имиња на некои свои модели сигурно не била да ги исплашат купувачите. Повеќето од 13-те модели што се наоѓаат на следниов список постигнаа одличен успех на пазарот. Тоа ја оправдува и намерата на производителите, да се привлече вниманието и автомобилот да се издвојува со името, да се помни.
Не постои правило кои автомобилски класи или сегменти обично добиваат застрашувачки имиња. Тука има и необични концептни автомобили, суперспортски автомобили и престижни лимузини, но и обични модели што секојдневно се среќаваат по улиците.
1) Rolls-Royce Phantom
Дефиниција за фантом: Физичка манифестација на душата или духот на умрена личност
2) AMC Gremlin
Дефиниција за гремлин: Мало измислено суштество коешто се обвинува кога нешто не функционира како што треба
3) Pontiac Banshee
Дефиниција за Банши: Женски дух во ирските и шкотските приказни којшто со силно врескање ги предупредува луѓето за нечија скорешна смрт
4) Hillman Imp
Дефиниција за Имп: Мало суштество што изведува безопасни трикови во детските приказни
5) Lamborghini Diablo
Дефиниција за ѓавол: Најмоќен дух на злото кој често се претставува како владетел на пеколот
6) Alfa Romeo Spider
Дефиниција за пајак: Мало суштество со осум нозе што плете мрежа од лепливи конци на кои се фаќаат инсекти
7) Plymouth Prowler
Дефиниција за талкач, некој што се „прикрадува“: Некој што тивко или потајно се движи низ просторот барајќи нешто
8) Ford Probe
Дефиниција за сонда: Уред што се користи за добивање одредена информација за дијагностички или експериментални цели
9) Spectre R42
Дефиниција за закана: Нешто што шири страв за можен непријатен или опасен настан
10) Dodge Challenger SRT Hellcat
Дефиниција: Вештерка; оштроконџа
11) Rolls-Royce Wraith
Дефиниција: Дух на мртва личност, сениште
12) DF Goblin
Дефиниција за гоблин: Грдо и понекогаш лошо суштество што милува да предизвикува проблеми
13) Lamborghini Murcielago
Дефиниција: Лилјак