Дарко Јаконов
Суперавтомобилот со 1200 КСе можно да добие наследник што ќе користи помош од електромотор за светскиот рекорд во брзина да се врати под логото на Bugatti.
Во февруари се одвиваше големиот двобој околу поставувањето на рекордот за најбрзо возило од сериско производство меѓи Bugatti Veyron Super Sport и Hennesey Venom GT. На крајот победи американскиот суперавтомобил, надминувајќи ги 431-те километри на час на Veyron SS.Bugatti полека го привршува развојот на наследникот на Veyron, кој ќе има моќност од околу 1.500 КС од 16-цилиндарски мотор и исто така ќе биде произведен во ограничена серија од 450 примероци. Според интерни извори, првиот шеф на марката во сопственост на Volkswagen, ВолфгангДурхајмер преферира наследникот да користи хибриден погон, но тоа уште не е потврдено официјално.
Комисијата на ЕУ ја ограничи емисијата на СО2 на 130 грами по километар за 2015 година. За секој дополнителен грам СО2 што го испушта моделската гама на секој производител ќе се плаќаат пенали кон Комисијата, што ќе биде товар и за производителите и за купувачите. Од таа причина, сите производители на суперспортски автомобили, како Ferrari, McLaren и Porsche воведуваат хибриден погон во своите модели со цел да се намали потрошувачката на гориво, а со тоа и емисијата на штетниот гас.
