Дарко Јаконов
Кога две ексклузивни марки ќе се здружат, нивниот заеднички производ е уште поексклузивен. „Vertu for Bentley“ чини колку автомобил и пак е лимитиран на 2.000 примероци.
Благородната британска марка Bentley го претстави првиот мобилен телефон развиен во соработка со Vertu, производител на луксузни мобилни телефони, како дел од петгодишното партнерство што двете марки го склучија во јули. Во дизајнот и во изработката на Vertu for Bentley се користени искуствата и материјалите што автомобилската марка ги применува во своите возила.
Паметниот телефон за Bentley е обложен со мека телешка кожа, опшиена рачно во дијамантска шара, куќиштето е од титан, со страници изрезбани во форма на дијаманти и со плочка одзади што се подигнува за да се прочита потписот на мајсторот што го изработил целиот телефон од почеток до крај во работилницата на Vertu во англискиот Чрч Крукем. Традиционалната керамичка основа на логото на Vertu доби поелегантна форма, да одговара со стилот на Bentley. Логото на ексклузивната марка на Volkswagen е поставено дискретно во долниот дел од телефонот.
Покрај дизајнот, посебноста на телефоните Vertu се единствените услуги по коишто стана позната марката, како „Vertu Concierge“, читани пораки за настани преку „Vertu Life“, сигурносни сервиси од „Vertu Certainty“, вклучувајќи и ексклузивни услуги на Bentley. Апликацијата Vertu for Bentley овозможува пристап до официјални објави од производителот, препорачани рути и локални информации. Акустиката на телефонот е усовршена заедно со данскиот специјалист Bang & Olufsen и поседува просторно процесирање на звукот Dolby Digital Plus и стерео звучници, додека за квалитетот на фотографиите се погрижи Hasselblad, најпознатиот бренд за професионална фотографија во светот. На сето тоа се надврзуваат сафирно кристално стакло, безжично полнење, NFC и софтвер Android 4.4.
Во иднина се планира претставување на уште четири ексклузивни телефони со дизајнерски елементи и услуги од Bentley. Серијата Vertu for Bentley е лимитирана на 2.000 примероци и чини 12.500 евра.
СПЕЦИФИКАЦИИ НА ‘VERTU FOR BENTLEY’
Должина: 145mm, Ширина: 69mm, Дебелина: 10.65mm
Тежина: 192g
УСЛУГИ
Vertu LIFE. Vertu CERTAINTY. Vertu Concierge, Exclusive Bentley Content
ОПЕРАТИВЕН СИСТЕМ
Android™ 4.4 (KitKat)
ХАРДВЕРСКИ КАРАКТЕРИСТИКИ
Процесор Qualcomm® Snapdragon™ 801 2.3GHz Quad-core
Брилијантен дисплеј со висок контраст и 473dpi, 4.7” 1080p, заштитен со сафирен кристал
Главна камера 13 MP со двоен LED-флеш
Предна камера 2.1MP со поддршка за Skype
64GB внатрешна меморија
Стерео звучници 11mm x 15mm со Dolby® Digital Plus
A-GPS + компас
Жироскоп и акцелерометар за ориентација и игри
Безжично полнење компатибилно со Qi
Батерија 2275mAh Li-ion
Време на зборување: До 15 часови 30 минути (WCDMA)
Време на подготвеност за работа: До 380 часови
КОНЕКТИВНОСТ
Quadband GSM 850/900/1800/1900 MHz
WCDMA Bands I, II, IV, V, VIII
DC-HSPA+ Release 8, Cat24, 42Mb/s Downlink, Cat6 5.76Mb/s Uplink
LTE Bands# 1-5,7,8,17,20 & 25
LTE FDD# Cat4,150Mb/s Downlink, 50Mb/s Uplink
Dual-band WLAN 802.11 a,b,g,n,ac inc. WAPI for PRC
MicroAB USB системски конектор со USB со поддршка On-The-Go
3.5mm приклучок за аудио
Bluetooth® v4.0 + LE
CSR aptX® аудио поддршка со висок квалитет на енкрипција
NFC со вградена и СИМ-безбедносна поддршка
WiFi hotspot (tethering & portable hotspot)
АПЛИКАЦИИ
Апликации Vertu: Life, Certainty, Recommended apps & Remote assist
Услуги Google Mobile: Google Play, Gmail, Google Chrome, Google, Google Maps, Google Drive cloud storage, YouTube и др..
Калкулатор, календар, камера, часовник, преземања, е-пошта, галерија, пораки, филмско студио, музика, контакти, телефон, подесувања
Избрани мобилни апликации Baidu и AutoNavi Maps
ОБЕМ НА ИСПОРАКА
Телефон Vertu for Bentley
Футрола Vertu for Bentley
Слушалки со далечинска контрола
Полнач и адаптери
Кабел microUSB со должина 1200 mm
Крпа за полирање
Адаптер за NanoSIM
Прирачник со брзи совети, гаранција и сертификат за автентичност
