за

Ламанш за првпат „извозен“ со летечки автомобил

ламанш летечки автомобил, FB Philippe Lecocq

Французинот Бруно Вецоли го мина каналот Ламанш како никој друг пред него – во летечки автомобил. На некој начин.

Во ултралесен автомобил од Франција до Англија по воздушен пат. Бруно Вецоли испиша поглавје во историјата како прв човек што го прелетал или „извозел“ каналот Ламанш со летечки автомобил.

Posted by Philippe Lecocq on Wednesday, June 14, 2017

Францускиот авантурист го стартуваше својот потфат рано утринава на напуштен воен аеродром во близина на пристанишниот град Кале, претходно довезувајќи се од официјалното поаѓалиште, Елисејските Полиња во Париз. По околу шеесетина километри во воздух, тој го заврши необичното патување во Довер, во Велика Британија.

Ламанш не му приреди непријатни изненадувања на Вецоли

Пред полетувањето, Вецоли откри дека стравува единствено од технички проблем: „Во таков случај обично се спуштам на земја, но сега би морал да слетам на вода.“ Се покажа дека воопшто немало потреба од каква било загриженост околу издржливоста на техниката. Летот мина беспрекорно.

Welcome to EnglandCa c est fait,💃💃💃💃

Posted by Bruno Vezzoli on Wednesday, June 14, 2017

Уникатното летало-возило е наречено Пегаз, по летечкиот коњ од грчката митологија. Станува збор за ултралесен квадрицикл, снабден со парамотор и падобран. „Пегаз“ е конструиран од францускиот фабрикант Жером Дофи, сопственик на компанијата Vaylon, којашто е специјализирана за производство на уникатни возила. Дофи, пак, инспирацијата за неговото возило ја црпи од Луј Блерио, пионерот на аеронаутиката, кој во 1909 година беше прв човек што го прелетал Ламанш.

Врсниците – автомобилот и авионот – за првпат ги здружија силите

Тајмингот за потфатот не е случаен. Дофи: „Автомобилската и аеронаутичката индустрија се родени пред околу еден век. Сега конечно ни успеа да ги споиме двете работи.“

https://youtu.be/fwKnyFrwu14

Pegase воопшто не е наивен концепт. Секако не, по прелетот на „каналот“. Возилото тешко 450 килограми лета со 80 km/h, може да достигне висина до 3.000 метри, за полетување се потребни најмалку 50 метри, за слетување најмногу 30 метри.

Авантурите не завршуваат тука. Првичниот план на Дофи беше да изработи летало со коешто ќе го обиколи светот за 80 денови.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Toyota GT86 drift

Toyota GT86 со нов рекорд во најдолг дрифт

Нова спортска нота за Lexus CT 200h