Дарко Јаконов
Двајца студенти успеаја да ги отклучат вратите на Tesla Model S во возење и да ги активираат сирената, светлата и сончевиот покрив. Но, наградата од 10.000 евра изостана.
Студенти од кинескиот универзитет Зејанг успеаја да влезат во кодот на Tesla Model S во натпреварот во којшто следуваше награда од 10.000 долари за најуспешните. Двајцата студенти учествуваа натпревар во хакирање во рамките на конференцијата за компјутерска безбедност SyScan во Пекинг. Наградата сепак остана недоделена, затоа што двајцата студенти иако ги отклучија вратите на електромобилот среде возење и ги активираа сирената, светлата и сончевиот покрив, не успеаја да ги отворат вратите и да го стартуваат моторот.
Калифорнискиот специјалист за електрични возила Tesla Motors официјално не учествуваше во организацијата на натпреварот, но со интерес ги следеше збиднувањата во Пекинг: „Иако Tesla директно не учествува на конференцијата, ја подржуваме идејата експертите за безбедност да ни укажат на потенцијалните слабости. Се надеваме дека експертите работат одговорно и добронамерно“, реагираа од Tesla Motors.
