Дарко Јаконов
Премиера на салонот во Женева има и освежената генерација на најголемата лимузина на Toyota на европскиот пазар. Дизајнот претрпе неколку промени, светлата добија диодна техника, подвозјето е оптимирано, намалено е и нивото на бучава и вибрации. Со новиот нос, должината на Avensis се зголеми за четири сантиметри. Сите моделски изведби добија повисоко ниво на активна безбедност во рамките на „Toyota Safety Sense“. Во стандардниот пакет на опрема е додадено предактивирање на безбедносните системи при опасност од судир, самостојно запирање и автоматика за долго светло.
Подобрен е квалитетот на материјалите во ентериерот, исто како и комфорот на седиштата. Во долното подрачје на средишпната конзола сега доминира дисплеј на допир со пречник од осум инчи. Освежувањето на кокпитот се комплетира со нов волан и нова рачка на менувачот. Преработени се и ракувањето и чувството при допир на сите прекинувачи.
Најзначајните новитети сепак се под хаубата. Нов е 1,6-литарскиот дизел со 112 КС, во замена за стариот дволитарец. Нoвиот 2.0 D-4D ослободува 143 КС, заменувајќи го 2,2-литарскиот дизел. Нормираната потрошувачка изнесува меѓу 4,1 и 4,5 литри на сто километри.
