Дарко Јаконов
Hyundai ќе ја продава верзијата на i20 со три врати како независен купе модел со дизајн што се разликува од семејната верзија со пет врати. Во Женева денес имаше светска премиера Hyundai i20 Coupe. Со впечатливо легнатите столбови, купето значително се разликува од комбилимузинскиот i20. Страничните прагови и задниот спојлер исто така му даваат динамичен изглед на возилото. Дури и дизајнот на маската се разликува од стандардниот модел. За новиот i20 Coupe, Корејците ексклузивно ја нудат портокаловата боја на каросеријата.
Новиот модел со драстично сменет опаш има и поголем багажник од комбилимузината. Багажникот од 336 литри е рекорд во класата. Под хаубата работи бензински мотор со 100 КС или дизел со 90 КС. Кон крајот на годинава во понудата ќе се најде и новиот трицилиндарски бензинец со трубонатполнење, во верзии со 100 и 120 КС.
