Со комби изведбата Leon ST, којашто Шпанците ја прикажуваат на салонот во Женева, се комплетира спортското семејство модели Cupra. Новиот дволитарец со турбонатполнење и директно впрскување од регалот на Volkswagen е достапен во верзии со 265 и 280 КС. Комбито со максимален багажен простор од 1.470 литри во посилната верзија забрзува до сто за само шест секунди. Спортскиот модел е опремен со приспособлива амортизација, блокада на диференцијал, прогресивно управување, специјален „возен профил Cupra“ и диодни предни светла, како и со сопирачки Brembo. Заради внесување личен печат, сопственикот може да нарача куќиштето на ретровизорите, рамката на маската, бандажите и натписот Cupra на задниот капак да бидат во бела, црна или портокалова боја.
за Нови модели, Салони