за

Дронот на Nissan побрз од GT-R: Спринт до сто за 1,3 секунда

Дроновите се мошне корисни за овековечување на најразлични автомобилски потфати. Проблем е кога треба да се следи брз, многу брз автомобил. GT-R на пример. Nissan мораше да направи соодветно брз дрон.

Nissan го создаде GT-R Drone, еден од најбрзите тркачки дронови во моментов, наменет за снимање на промотивните клипови за новиот GT-R. Во изработката на дронот беа ангажирани светските шампиони Tornado XBlades Racing, кои со неколку модификации обезбедија GT-R Drone да забрзува до сто за само 1,3 секунда. За демонстрирање на талентите на своите два „најбрзи“ модели, Nissan ги пушти во предизвик по тркачката патека Силвестоун.

Наспроти 3,8-литарскиот V6 со битурбо натполнење и погонот на сите тркала во Nissan GT-R, дронот располага со четири мотори Xnova од по 2.000 kV и рамка со тркачка спефицикација од Sky-Hero. Зад воланот на GT-R се најде Рикардо Санчез, возат на Nismo, додека со GT-R Drone управуваше Џејмс Баулс, актуелен британски шампион во трки со дронови.

Новиот GT-R е најдрастична модификација на генерацијата R35 откако таа беше претставена премиерно во 2007 година. За разлика од дронот, аеродинамиката на GT-R применува зафати за автомобилот поцврсто да се држи на патот.

Снимката покажува јасно дека дронот е супериорен во забрзувањето, но за кусо време „тркалата“ ги престигнуваат „роторите“, со 315 km/h за автомобилот, наспроти 185 km/h за дронот. Затоа пак, дронот има неспоредлива агилност и може да заврти во круг од само 30 сантиметри.

  GT-R GT-R Drone
Крајна брзина [km/h] 315 185
Должина [mm] 4710 300
Ширина [mm] 1895 300
Висина [mm] 1370 65
Тежина [kg] 1752 0,7
Погон V6 битурбо батерии од 1400 mAh
Круг на вртење [m] 12,2 0,3
Вртежен момент / Потисок 637 Nm 4,68 kg

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Peugeot ќе го освојува иранскиот пазар со инвестиција од 400 милиони евра

Aston Martin ќе изработи 99 примероци од Vanquish Zagato