за

Вака BMW навива за германските фудбалери

BMW M2 Competition Showcar

Германија пред четири години ја освои титулата во Бразил. BMW сега го подгрева навивачкото расположение со уникатен BMW M2 Competition

Неодамна претставениот топ-модел во серијата 2, BMW M2 Competition, повторно е на врвот на актуелноста, со ексклузивни додатоци од M Performance. Повеќето од овие делови се изработени од карбон, кои дискретно го менуваат изгледот, но е многу поважно тоа што одземаат во тежина.

Хаубата, на пример, комплетно е изработена од овој лесен и ексклузивен материјал – којшто во меѓувреме стана рутина на BMW, бидејќи карбонот веќе со години се вградува во поголем обем во i3 и i8.

BMW M2 Competition Showcar 3

Внатре прво се забележува воланот од понудата на M Performance, со карактеристична геометрија, ознака за 12 часот, и секако, обложен со алкантара. Спортската атмосфера дополнително ја подгреваат бирачот на степени и рачката на паркирната сопирачка со карбонски финиш. Потпирачот за левото стопало и додатоците на педалите се од благороден челик. Назад има заден спојлер и дифузор со печат на M Performance, во истиот „карбонски“ стил.

Со линиски шестцилиндарец во најдобрата традиција на Минхен, истиот од M3 и M4, BMW M2 Competition впрегнува 410 КС и спринтува до сто за 4,4 секунди. Со менувач со двојна спојка се одземаат уште две десетинки. Сопирачките клешти со 6 клипови се во црвена боја и истите „гризат“ во композитни и перфорирани сопирачки дискови. Задните клешти имаат „само“ 4 клипови.

Во духот на моментот, специјалниот BMW M2 Competition за појавување по салони има неколку подрачја коишто се покриени со фолија во боите на германското знаме – црна, црвена и златна. Детал од времето: Црн натпис M Performance Parts на ветробранот.

Познавачите нема да ги пропуштат 19-инчните бандажи со Y-краци, во џет црна и смрзнато златна боја. Германскиот триколор тука го комплетираат клештите во црвена боја. Перфекција, по тоа се познати луѓево.

[FAG id=33234]

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

mercedes fabrika polska

Mercedes отвора 1.000 работни места во Полска

Porsche Panamera Turbo I

Каков избор на користено возило е Porsche Panamera